“Gərgin təhlükəsizlik vəziyyəti ilə yanaşı”, Xankəndindəki separatçı-terrorçu rejim daxilində “siyasi” intriqalar davam edir.

Moderator.az xəbər verir ki, bunu Ermənistanın “Fakt” nəşri yazır.

“Məlum olduğu kimi, ötən gün Araik Arutyunyan çıxış edib və orada digər məqamlarla yanaşı, daxili siyasi proseslərə də ayrıca işarə edilib. Xüsusilə, Arutyunyan qeyd edib ki, ağır böhran vəziyyətinə görə o, növbədənkənar prezident(dırnaqarası-S.L.) və parlament seçkilərinin(dırnaqarası-S.L.) təşkili ilə bağlı hər cür müzakirələri, eləcə də son günlər spiker tərəfindən təklif olunan etimad referendumunun təşkili ilə bağlı fikir mübadiləsini dayandırır”-davamında erməni qəzeti bildirir.

Nəşr yazır ki, baş separatçı Arayik Arutyunyanın komanda yoldaşı Artur Tovmasyanın(qondarma “spiker”-S.L.) ona keçmiş "baş komandan", general “Samvel Babayanla siyasi müzakirələr aparmağı təklif etməsi diqqət çəkir”. Qəzetin yazdığına görə, Tovmasyan bunu Samvel Babayanın təhriki ilə edib.

“Mənbələrimizə görə, Arutyunyanın son açıqlamasının qeyd olunan məqam birbaşa Artsaxda aktiv siyasi məsləhətləşmələr aparan, cəmiyyətin müxtəlif təbəqələri ilə görüşən Babayana ünvanlanıb... Son mitinqində 10 gün sonra yeni mitinq təşkil edəcəyini açıqlayan Babayan bu mərhələdə “pauza” verib, insanların toplaşmayacağını və mitinqin bir daha uğursuz olacağını anladığı üçün mövzudan yayınmağa çalışır”.

Qəzetin yazdığına görə, Babayanın bu gün nəinki “siyasi”, hətta ictimai sahədə də “Artsax”da praktiki olaraq heç bir dəstəyi yoxdur və yeganə siyasi dəstəyi Nikol Paşinyandır ki, o, öz informasiya bloku vasitəsilə Babayanı ictimaiyyətə “problemləri həll edən” və mifik bir obraz kimi təqdim etməyə çalışır.

Erməni nəşri yazır ki, Paşinyan tərəfindən Babayanın Xankəndində hakimiyyəti ələ almasında təkid edilir. Amma baş separatçının “atdığı addımlardan sonra Babayan çıxılmaz vəziyyətdə qalıb və bundan sonrakı addımlarının ardıcıllığını bilmir”...