Berlində Ermənistanın Baş naziri Nikol Paşinyanla birgə keçirdiyi mətbuat konfransında Almaniya Kansleri Olaf Şolts iki dəfə vurğulayıb ki, ərazi bütövlüyü və öz müqəddəratını təyinetmə hüququ bərabərdir.

DİA.AZ xəbər verir ki, Almaniya Kansleri martın 2-də keçirilən mətbuat konfransında "Ermənistanla Azərbaycan sərhədində qeyri-sabit vəziyyətdən və Dağlıq Qarabağda humanitar vəziyyətin pisləşməsindən" narahat olduğunu qeyd edib.

"Status-kvo uzun müddət davam edə bilməz, xalqın xeyrinə uzunmüddətli həll yolu tapılmalıdır. Ermənistan və Azərbaycanın ərazi bütövlüyü, eləcə də Dağlıq Qarabağ vətəndaşlarının öz müqəddəratını təyin etmələri baxımından məsələnin sülh yolu ilə həllinə nail olmaq lazımdır. Bununla belə, bütün bu prinsiplər bir-birinə bərabərdir”, - Şolts bildirib.

Ötən il Ermənistan-Azərbaycan sərhədindəki qısamüddətli monitorinqdən sonra Avropa İttifaqı (Aİ) Ermənistana yeni, bu dəfə iki illik və daha böyük monitorinq missiyası göndərib. 100 nəfərlik missiya artıq öz işinə başlayıb. Şolts Ermənistandakı avropalı müşahidəçilərin sayının artacağını istisna etməyib.

Rəsmi Bakı hələlik Almaniya Kanslerinin açıqlamalarına münasibət bildirməyib.

Paşinyan hakimiyyəti dövründə üçüncü dəfədir Almaniyaya işgüzar səfər edir. Üç il əvvəl o, Almaniyada o vaxtkı kansler Angela Merkellə görüşmüşdü.

Bu, Merkellə Paşinyan arasında ilk görüş deyildi. 2018-ci ilin avqustunda Merkel Yerevana, 2019-cu ilin fevralında isə Ermənistanın baş naziri Berlinə səfər etmişdi.

Bu gün Paşinyanın Almaniya prezidenti Frank-Valter Ştaynmayerlə görüşü planlaşdırılır. Ermənistan hökumətinin informasiya xidmətinin məlumatına görə, Paşinyan Almaniyanın Xarici Əlaqələr Şurasına da səfər edəcək. Baş nazirin ofisindən həmçinin qeyd olunub ki, səfər çərçivəsində bir sıra digər görüşlər də nəzərdə tutulub.

DİA.AZ bildirir ki, illərdir onlarla xalqı əsarətdə saxlayan Almaniya kimi bir ölkənin kanslerinin Azərbaycan ərazisində hansısa azsaylı xalqa dövlət qurma meyilləri yumşaq halda öz gözündə TİRİ GÖRMƏMƏK məsələsidirsə, realda həyasızlığın kuliminasiya nöqtəsidir.

Əgər Almaniyanın kansleri hansısa xalqın öz müqəddəratını təyinetməsini belə könüldən istəyirsə, nədən öz içindəki bavarların və digər xalqların dövlət qurma istəklərini əngəlləməkdədir. Əgər belə demokratdırlarsa, prinsipialdırlarsa, özləri bir yana... illərdir azadlıqları uğurnda mübarisə aparan katalonların, flamanların, korsikalıların və digər bu kimi avropalıların hüquqlarını da müdafiə etsinlər... ƏGƏR CƏSARƏTLƏRİ ÇATIRSA...

Odur ki, BİZƏ NAĞIL DANIŞMAYIN... İstəsəniz... biz həmin nağıllardan daha yaxşısını bəşəriyyətə danşa bilərik. Necə ki zamanında bəşəriyyət məhz biz türklərin ayaqları altında olub...