“Parni iz Baku” KVN komandasının keçmiş üzvü Vado Karovin ümummilli lider Heydər Əliyev və Rusiya Prezidenti Vladimir Putinlə bağlı xatirəsini bölüşüb

Vado Karovin ATV kanalında yayımlanan “Hər axşam” verilişində ümummilli liderlə bağlı xatirələrindən söz açıb:

“2000-ci il də Putin yenicə prezident seçilmişdi, sonra isə Bakıya ziyarətə gəlmişdi. Gülüstan sarayında bir ziyafət təşkil olunmuşdu. Bizim komanda da həmin ziyafətə dəvət edilmişdi. Orada bir adət var idi. Hamı sıra ilə durur, Heydər Əliyev gəlib hamı ilə görüşürdü. Onlar hamı ilə görüşdülər. Bizə yaxınlaşanda isə Putin dedi ki, mən sizi tanıyıram, sizə azarkeşlik etmişəm, təbrik edirəm sizi. O anda Heydər Əliyev dedi ki, onlar erməniləri udublar. Putin özünü eşitməzliyə vurdu. Heydər Əliyev Putinin hərəkətini gördü və onun qolundan tutub bir daha təkrar etdi ki, onlar ermənilərə qalib gəliblər. Bundan sonra isə Putin məcbur olub “təbrik edirəm”, - dedi”.