Ötən günlərdə Ermənistanın Qafan şəhərində İranın Baş konsulluğu açılıb. Açılış mərasimində Ermənistanın xarici işlər naziri Ararat Mirzoyan və iranlı həmkarı Hüseyn Əmir Abdullahian iştirak edib. Nə qədər qəribə olsa da, Qafanda yerləşən konsulluğun yerləşdiyi binanın hələ tam olaraq təmirdən çıxmadığı aydın görünür. İranın belə tez-tələsik Qafanda konsulluq açmasını Türkiyə Prezidenti Rəcəb Tayyib Ərdoğanın Zəngilan səfərinə cavab kimi dəyərləndirməmək mümkün deyil. Maraqlısı budur ki, iranlı nazir Ərdoğanın Azərbaycan səfəri zamanı gözlənilmədən İrəvana getdi və bundan sonra mediada Qafan şəhərində Baş Konsulluğunun açılması bağlı xəbərlər yer aldı. Yəni əslində İrəvanda konsulluğun açılması planlı şəkildə həyata keçirilməmişdi. Sadəcə olaraq İran Ermənistanla tərəfdaş, qardaş olduğunu sübut etməyə çalışırdı.
Bu arada İran Xarici İşlər Naziri erməni dilində paylaşım edib. Hüseyn Əmir Abdullahian paylaşımında deyir ki, “Ermənistanda mən cənab Paşinyanla Cənubi Qafqazın təhlükəsizliyi, Ermənistanla Azərbaycan arasında sərhədin demarkasiyası və xarici qüvvələrin müdaxilə etməməsi ilə bağlı mühüm görüş keçirdim”…

Görünür, Abdullahian bununla demək istəyir ki, “lazım gəlsə” sizin dilinizdə də danışarıq.

Siyasi şərhçi Məhəmməd Əsədullazadə Bizimyol.info xəbər portalına açıqlamasında bildirib ki, İkinci Qarabağ müharibəsindən sonra İran Cənubi Qafqazda dəyişən geosiyasi realıqları qəbul etmir və bunu Cənubi Qafqazda maraqlarına təhdid hesab edir. Zəngəzur dəhlizinin açılması ilə bağlı aqressiv bir siyasət ortaya qoyub. Buna hərbi təlimlərlə cavab verir. Bu səbəbdən də rəsmi Tehran xüsusilə Cənubi Qafqazda formalaşan Türkiyə-Azərbaycan kombinasiyasının uğurlu alınmasında bu kombinasiyanın İranın zəiflədilməsinə, həmçinin Mərkəzi Asiyaya açılan Türkiyənin mövqeyini güclənməsinə gətirib çıxaracağına görə, belə təlimlərə strat verib. Bu təlimlər Azərbaycana təzyiqdir və Azərbaycanın təhlükəsizliyini təhdid edir. İran birmənalı olaraq Azərbaycana qarşı düşmənçilik siyasəti həyata keçirir.

“Buna baxmayaraq, Azərbaycan tərəfi daima İranla qarşlıqlı etimad formatında əməkdaşlığa maraqlı olub, müharibədən dərhal sonra Azərbaycanın təklif etdiyi “altılıq” platformasında məhz İranın da təmsil olunması həmçinin Zəngəzur dəhlizindən də İranın istifadəsi Tehranın nəzərinə çatdırılıb. Amma göründüyü kimi Tehran bu məsələlərdə yenə də öz ampulasındadır. Ermənistan-Azərbaycan ərazisində sülhün əldə olunmasına, dəhlizin açılmasına qarşı çıxır. Ümumiyyətlə, regionda dəyişən geosiyasi reallıqları qəbul etmək istəmir. Bu təlimlər Azərbaycana qarşı yönəlib. Azərbaycanı hərbi dillə təhdid edir”,- deyə siyasi şərhçi əlavə edib.

Politoloq hesab edir ki, Azərbaycan artıq bu təhdidin cavabını verib. Beləki, Türkiyə prezidentinin Zəngilana səfəri tərs sillə idi.

“Soyuq duş effekti yaratdı. İran anladı ki, Azərbaycanla təhdid dilində danışmaq mənasızdır. Azərbaycan da bu hərbi təlimləri heçə saydı”,- deyən politoloq bildirib ki, ümumiyyətlə regiona təsiri demək olar ki, ciddi proseslərlə müsbət nəticə verməyəcək.

P.S. İkinci Qarabağ Müharibəsi, 44 günlük Vətən Müharibəsi günlərində İran necə iki üzlü siyasət yürüdürdü. Həqiqətən çox maraqlıdır, dini dinimizdən olan bir dövlətin öz şəxsi maraqlarına uğruna, Azərbaycanın 65 -dən məscidini yarasız hala salıb, donuz damına çevirən bir millətə qarşı bu sevgisinin arxa planında nə var? Ermənistanda sərhədin azalması niyə, İranı bu qədər narahat edir? Yoxsa başa düşür ki, artıq öz "təhdidkar" siyasətini həyata keçirmək üçün Azərbaycan ərazisindən istifadə edə bilməyəcək? Belə olmasaydı, hələ malası qurumayan, bir binada niyə konsulluq yaradırdı ki?

Əslində, İran qorxur. Qorxur ki, İranda yaşayan 40 milyon azərbaycanlı ayağa qalxar və Azərbaycan bütövləşər. Bu zaman "güc dövləti" hesab edilən İrandan nə qala bilər ki? Məhz buna görədir ki, XX əsrdən qalma silahları ilə, şou düzənləmələri, məhz buna görədir, marş yazıb hədə qorxu gəlməyə çalışmaları.