Türkiyə Prezidenti Rəcəb Tayyib Ərdoğan Ukraynada səfərdədir.

“Habertürk” xəbər verir ki, o, Lvov şəhərinə çatıb.

Türkiyə Prezidentinin Kommunikasiya İdarəsindən verilən məlumata görə, Ərdoğanı xarici işlər naziri Mövlud Çavuşoğlu, enerji və təbii ehtiyatlar naziri Fatih Dönmez, milli müdafiə naziri Hulusi Akar, Milli Kəşfiyyat İdarəsinin rəisi Hakan Fidan və digər rəsmi şəxslər müşayiət edirlər.

***

Türkiyə Prezidenti Rəcəb Tayyib Ərdoğanın Ukraynaya səfəri başlayıb.

Ölkə.az Türkiyə mətbuatına istinadən xəbər verir ki, onun təyyarəsi Ankaradakı Esenboğa hava limanından yola düşüb.

Ərdoğan Lvov şəhərində BMT Baş katibi Antonio Quterreş və həmkarı Volodimir Zelenski ilə ikitərəfli və üçtərəfli görüşlər keçirəcək.

Liderlərin Ukraynadakı durumu, o cümlədən taxıl ixracı prosesini müzakirə edəcəkləri gözlənilir.

***
Türkiyə Prezidenti Rəcəb Tayyib Ərdoğan Rusiyanın fevralın 24-də başlayan hücumlarından sonra ilk dəfə Ukraynaya gedir.

Ərdoğan və ukraynalı həmkarı Volodimir Zelenski bu gün Lvovda Pototski sarayında görüşəcək. Səfər zamanı həmçinin Ərdoğan, Zelenski və BMT-nin baş katibi Antonio Quterreş arasında üçlü Zirvə görüşü olacaq.

Ərdoğan, Zelenski və Quterreş görüşdən sonra birgə mətbuat konfransı keçirəcək.