Əslində Rusların Qarabağdan nə zaman çıxacağı yox, Azərbaycanın Qarabağda tam idarəçiliyi nə zaman bərpa edəcəyi günün sualı olmalıdır. Doğrudur, Rusiya Prezidenti ayrı-ayrı vaxtlardakı açıqlamalarında Qarabağın Azərbaycanın ayrılmaz hissəsi olduğunu xüsusi olaraq vurğulayıb. Amma Rusiya dünənə qədər Krımı Ukrayna ərazis kimi qəbul edirdi və bu gün isə Krımın Ukrayna ərazisi olması haqda deyilənləri belə yaxınına buraxmır.

DİA.AZ bildirir ki, yəni bu gün biz Qarabağda nə zaman idarəçiliyimizin bərpa olunacağı haqda suala cavab tapmalıyıq. Çünki rus "sülhməramlıları" hətta Qarabağdan çıxacaqları təqdirdə belə orada qondarma bir ERMƏNİ İDARƏÇİLİYİNİ də miras qoyub gedə bilərlər ki, qaldıqları müddət boyunca da həmin idarəçiliyə rəsmi Bakıdan istədikləri statusu ala bilərlər.

Bu gün Rusiyanın davranışları belə bir təəssürat yaradır. Hər halda rusların ayrı-ayrı istiqamətlərdə Qarabağa bunca vəsaiti xərcləməsi səbəbsiz ola bilməz və bu da rəsmi Bakının nəzərlərindən yayınmalı deyil.

İkinci bir məsələ isə, artıq Rusiyanın nə zaman çıxacağı ilə bağlıdır. Təbii ki, Kreml Qarabaöda əbədi oturmaq istəyər. Və ən pis halda çalışar ki, məhz onların maraqlarına cavab verən yeni formalaşmış idarəçilik formalaşana qədər Qarabağda qalsın. Bütün bunlar isə Azərbaycanın marağında deil.

Burada son olaraq vacib bir məqam da var: AZƏRBAYCAN RUSLARI RƏSMƏN NƏ ZAMANA QƏDƏR QARABAĞDA GÖRMƏK İSTƏYİR?

Bax, bu suala rəsmilərimiz hansısa formada cavab verməyiblər. Əsas olanı da budur...