Azərbaycanı müstəqil, güclü bir dövlət kimi görmək həmişə xalqımızın böyük arzusu olmuşdur

Bu arzu əsrin sonlarında reallaşdı. Bu gün dünyanın ən iri dövlətləri bizimlə əməkdaşlığa can atırlar. Bu heç də asan başa gəlmir. Bunu əldə etmək üçün fədakar insanlar zəhmət çəkib iş görmüşlər. Onların ən öncüllərindən olan, bütün həyatını xalqa həsr etmiş ümumilli lider, dünya şöhrətli siyasətçi Heydər Əliyev və onun siyasi kursunun layiqli davamçısı cənab İlham Əliyevdir.
Cənab İlham Əliyev Azərbaycan xalqının məhəbbətini, istəyini təkcə öz Vətənində deyil, bütün dünyada qazanmışdır. Buna görə də təkcə Azərbaycan vətəndaşları deyil, bütün dünya azərbaycanlıları onu həmişə yüksək qiymətləndirir, onunla fəxr edir, qürur duyurlar. Son illərdə əldə etdiyimiz inkişaf və tərəqqiyə görə biz məhz İlham Əliyevə borcluyuq. Müstəqilliyimizin əbədiliyi, Qarabağ torpağının azad, insanların firavan yaşaması Onun ən böyük arzusu, istəyidir.
Prezident İlham Əliyevin qarşıya qoyduğu əsas hədəflərdən biri regionların yüksəlişidir. Bu sahədə ilk dövlət proqramının təsdiq edildiyi 2004-cü ildən indiyədək Azərbaycanın bütün regionlarında sürətli inkişaf başlayıb.
Azərbaycanın güclü, inkişaf etmiş qüdrətli dövlətə çevrilməsində, sənayemizin, kənd təsərrüfatımızın, sosial-iqtisadi sahələrin güclənməsi yolunda əlindən gələni əsirgəmir. Ölkə vətəndaşlarının həyat səviyyəsinin yüksəldilməsi, pensiyaçıların, əlillərin, çoxuşaqlı ailələrin, əmək qabiliyyəti olmayan insanların sosial problemləri həmişə cənab prezidentin diqqət mərkəzindədir. Ölkə başçısı kimi dəfələrlə əhalinin sosial vəziyyətinin yaxşılaşdırılması məqsədilə güzəştli fərmanlar imzalamışdır. Onun insanların qayğısına qalması, Vətənə, xalqa bağlılığı hamımıza yaxşı məlumdur.

Səttar Mehbalıyev,
Azərbaycan Həmkarlar İttifaqı və Azərbaycan Respublikasının deputatı