Daşkəsəndə Yeni Azərbaycan Partiyası tərəfindən namizədliyi irəli sürülmüş Kamran Bayramovun təhsil işçiləriylə görüşü olub. K. Bayramov bildirib ki:
"Seçkiqabağı təşviqatımın bu gününü tam olaraq Daşkəsən şəhərinə həsr etdim. Şəhərin orta məktəblərinin birində şəhərin seçiciləri olan təhsil işçiləri ilə görüş keçirtdim. Çox məzmunlu, səmimi yığıncaq oldu. Çıxışımda ölkəmizdə Yeni Azərbaycan Partiyasının sədri, Azərbaycan Respublikasının Prezidenti cənab İlham Əliyevin xüsusi diqqət yetirdiyi təhsil sahəsində görülmüş işlərdən bəhs etdim, Azərbaycan Respublikasının birinci xanımı Mehriban Əliyevanın təşəbbüsü və rəhbərlik etdiyi Heydər Əliyev Fondunun xətti ilə ölkəmizin müxtəlif bölgələrində müasir tələblərə cavab verən məktəblərin, təhsil ocaqlarının inşa edildiyini bildirdim, müvafiq rəqəmlər də səsləndirdim. Eyni zamanda təhsilin keyfiyyətinin artırılması istiqamətində həyata keçirilən tədbirlər barədə ətraflı məlumat verdim. Görüşdə iştirak edən müəllimlərə onların övladlarımızın hərtərəfli inkişafına, gələcək həyatlarına böyük töhfə verdiklərini vurğuladım və bu şərəfli işdə onlara yeni-yeni uğurlar arzuladım".





HAZIRLADI GÜNEL MƏMMƏDOVA