Daşkəsəndə Yeni Azərbaycan Partiyası tərəfindən namizədliyi irəli sürülmüş Bayramov Kamran Fərhad oğlunun seçicilərlə görüşləri davam edir.
23 oktyabr 2015-ci il tarixdə Yeni Azərbaycan Partiyası tərəfindən namizədliyi irəli sürülmüş Bayramov Kamran Fərhad oğlu Daşkəsən şəhərində seçicilərlə səmimi görüşlər keçirmişdir.
K. Bayramov təhsil işçiləri ilə görüşündən sonra Daşkəsən şəhərini məhlə-məhlə, küçə-küçə gəzmiş, şəhər sakinləri ilə görüşərək söhbət etmişdir. Həmsöhbətləri arasında sıravi sakinlər, ziyalılar, qadınlar, gənclər, əlillər, kiçik sahibkarlar da oldu. Onları narahat edən problemlər sırasında məşğulluq, şəhərdaxili yolların təmiri, su təminatı, ünvanlı sosial yardım məsələləri qeyd olundu. Şəhərdə seçki qabağı yüksək əhval-ruhiyyəni hiss edilir.
Kamran Bayramovun Daşkəsənin maddi rifahı uğrunda xidmətlər göstərəcəyinə inanırıq.









HAZIRLADI GÜNEL MƏMMƏDOVA