Noyabrın 1-i ölkəmizdə keçiriləcək parlament seçkilərinə hazırlıqla əlaqədar MSK tərəfindən DSK-larına bülletenlərinin paylanması davam edir. Gəncənin 145 min 981 seçicisi olan 4 Dairə Seçki Komissiyasına da seçici bülletenləri çatdırılıb.

Mərkəzi Seçki Komissiyası tərəfindən dairə seçki komissiyalarına bülletenlərin paylanılmasına oktyabrın 23-dən başlanılıb. Onların seçki dairələrinə daşınması, saxlanması xüsusi nəzarət altında həyata keçirilir. Seçki Məcəlləsinə uyğun olaraq seçkilərə 3 gün qalmış bülletenlərin məntəqə seçki komissiyalarına paylanılmasına başlanılacaq. Dairələr üzrə göndərilən bülletenlərin sayı seçici sayından üç faiz artıqdır. Onu da bildirək ki, artıq seçki bildirişlərinin bütün dairələr üzrə seçicilərə paylanması başa çatdırılıb.

Rauf Qurbanov- 38 saylı Nizami 2-ci Gəncə DSK-nın katibi: “Bildiyiniz kimi bildirişlərin vətəndaşlara çatdırılması müvafiq təlimatın 3.1-ci maddəsinə görə həyata keçirilir. Artıq dairə üzrə bütün bildirişlər bütün seçicilərə çatdırılıb. Bu gün demək olar ki, bütün seçki məntəqələri seçkilərə tam hazırdır”.

Gəncə şəhəri üzrə 4 seçki dairəsindən 25 namizəd parlament seçkilərində millət vəkilliyi uğrunda mübarizə aparacaq.

http://kepeztv.az