Kolumbiya Respublikasının Azərbaycandakı müvəqqəti işlər vəkili Assad Jose Gater Gəncədə səfərdə olub. Qonaq Şəhər İcra Hakimiyyətinin başçısı Elmar Vəliyevlə də görüşüb. Görüşdə müvəqqəti işlər vəkili Kolumbiya və Azərbaycan arasında ötən ildən başlayaraq diplomatik əlaqələrin qurulmasından danışıb. Diplomat bildirib ki, Azərbaycanın bölgələri ilə tanışlıq onun üçün vacib məsələlərdəndir. Elmar Vəliyev qonağa Gəncənin iqtisadi və mədəni həyatı haqqında geniş məlumat verib. Qeyd olunub ki, Gəncə qədim tarixə və mədəniyyətə malik şəhərdir. Assad Jose Gater 2 günlük səfəri çərçivəsində Gəncə ilə yaxından tanış olmaq niyyətində olduğunu bildirib.

Assad Jose Gater- Kolumbiya Respublikasının Azərbaycandakı müvəqqəti işlər vəkili: "Gəncəyə səfərimdən məmnunam. Bu şəhər məndə yaxşı təəssüratlar yaratdı. İstərdim ki, Kolumbiyanın regionları ilə ölkənizin regionları arasında sıx əlaqələr yaransın. Bura iqtisadi, ticari, mədəni, turizm və təhsil sahələrini daxil etmək olar. Kolumbiya ilə Azərbaycan arasında viza rejimi yoxdur, buna görə də hər iki ölkənin vətəndaşları sərbəst şəkildə səfər edə bilərlər".

http://kepeztv.az