Rusiyalı millət vəkilləri, Federasiya Şurasının üzvləri və ekspertlər dəyirmi masaya toplaşıb.

Rusiya Dumasında Azərbaycanla iqtisadi əlaqələrə dair toplantı keçirilib.

ANS TV-nin məlumatına görə, Rusiya-Azərbaycan Dostluq Mərkəzi tərəfindən təşkil edilən dəyirmi masada rusiyalı millət vəkilləri, Federasiya Şurasının üzvləri və ekspertlər iştirak edirdi. Əsas müzakirə mövzusu ikitərəfli iqtisadi münasibətlərin problemləri və perspektivləri, regional səviyyədə müxtəlif sahələrdə əməkdaşlıq göstərilsə də, iştirakçılar bir neçə məsələni xüsusilə vurğuladılar. Rus deputatların bəziləri Azərbaycanın Avrasiya İttifaqına üzv olacağına ümid edir.

Dumanın MDB üzrə komitəsinin sədr müavini Tatyana Moskalkova bildirib ki, Azərbaycan Avrasiya İqtisadi Birliyinə üzv olarsa nəinki aradakı gömrük problemləri həll olar, bu həm də sərbəst kapital dövriyyəsi, işçi qüvvəsinin mübadiləsi, müxtəlif sahələrdə əməkdaşlığın da yolunu açar. Hələlik isə ölkələr arasında ticarət zonaları yaratmaqla iqtisadi əlaqələri gücləndirmək mümükündür.

Digər millət vəkili, eyni zamandan Dumanın Maliyyə Komitəsinin sədri isə qarşılıqlı ticarətdə dollardan imtinanı mümkün sayır.

Dumanın maliyyə komitəsinin sədri Dimitri Savelyev qeyd edib ki, iqtisadi sahədəki əlaqələrdə elə bir problem görmür. Amma bəzi iqtisadi layihələr üzərində işlər tamamlandıqda, bu əlaqələr daha da güclənəcək. Bunların ən vacibi ticarət əməliyyatlarında ödənişləri milli valyuta ilə həyata keçirmək, turizm sektorunda daha sıx əlaqələr qurmaq, gömrük sistemini bir az daha sadələşdirməkdir.

Bu təkliflərini rus deputatlar bəyannamə şəklində qəbul etdilər.