Azərbaycanda yeni struktur və kadr islahatı dalğası gözlənilir. Bu barədə DİA.AZ-a Nazirlər Kabinetindəki mötəbər mənbə məlumat verib. Qaynaq iddia edir ki, sentyabr ayının ilk on günlüyündən etibarən bir neçə nazirlikdə ciddi struktur islahatlarının həyata keçirilməsi gözlənilir.

Mənbənin DİA.AZ-a söylədikləri: "Bu gün polis sistemində baş verənlər təkcə kadr dəyişiklikləri ilə müşaiyət olunmayacaq. Eləcə də DİN-in bəzi qurumlarının birləşdirilməsi nəzərdə tutulub.

Bunlarla yanaşı daha iki nazirliyin strukturlarının ləğvi də planlaşdrılır. Eyni zamanda ciddi akadr islahatları da mütləq baş verəcək".

Mənbə bildirir ki, bütün bunlar əslində son prezident seçkilərindən sonra müşahidə olunan dəyişiklik prosesinin məntiqi davamıdır:

"Bəzi qüvvələr dəyişiklikləri yubatmağa, tempi aşağı salmağa çalşırlar. Çünki düşünürlər ki, radikal islahatlar mənfi fəsadlara dayol aça bilər. Və haqlı olduqları da görünür. Məsələn, elə gömrük sistemində müşahidə olunanlar belə deməyə əsas yaradır. Gömrükdəki erkən dəyişiklik qərarı əslində islahata tədarüksüz başlamanın nəticəsi kimi nəzərə çarpdı. Hər halda Səfər Mehdiyev kimi uğursuz kadrlara "stavka"dansa, köhnə sistemi hazırlıq tam başa çatdıqdan sonraya qədər saxlamaq daha doğru kimi göründü".

Mənbə bildirir ki, bütün bu proses boyunca yeni kadrların irəli çəkilməsi gözlənilir.

Əlavə bilgilərimiz olacaq. Bizi izləyin...