Səfir Arif Məmmədovun "Facebook"da məmurları tənqid etməsi XİN-in bəzi əməkdaşları tərəfindən dəstəklənib
Xarici İşlər Nazirilyində təhqiqat başlayıb, hökumətə qarşı çıxanların cəzalandırılacağı gözlənilir

Azərbaycanın Avropa İttifaqında nümayəndəliyinin rəhbəri (2000-2006), Avropa Şurasında daimi nümayəndəsi (2007-2012) olmuş, hazırda isə İslam Əməkdaşlıq Təşkilatının Avropa İttifaqı yanında nümayədəsi vəzifəsini daşıyan Arif Məmmədovun "Facebook" səhifəsində yazdığı status qalmaqala səbəb olub.

Bakıda mayın 19-da penoplast üzlüklü binada 15 nəfərin ölümü ilə nəticələnən yanğından sonra A.Məmmədov belə bir status paylaşıb.
"Bu faciə hər bir azərbaycanlının kədəri və faciəsidir. Allah xalqımıza səbri qalıbsa, səbr versin. Heç bir xalq bu qədər haqsızlığa və biabırçılığa dözməz. Xalqın zülmündən milyonlar əldə edən məmurlar çox səbrli xalqımızın qəzəbindən qorxmurlarsa, Allahın qəzəbindən qorxsunlar".
Onun daha bir qeydində Avropa Oyunları məşəlini Bakıda xalq artisti İlhamə Quliyevanın daşıyacağı barədə xəbərə ironiya edilir.

A.Məmmədov səhifəsində paylaşdığı fotosuna yazılan şərhlərə belə bir əlavə edib: "Təxminən 20 ildir Avropada normal adamların arasında və düzgün qidalanma� 3 gün Bakıda oldum və artıq qocaldım..."

Virtualaz.org saytı isə öz mənbələrinə istinad edərək məlumat yayıb ki, artıq anti-hakimyyət çıxışlarına görə iki səfirin geri çağırılması proseduru başlayıb.

XİN Arif Məmmədovun geri çağırılacağı barədə İKT-yə məlumat verib. Tezliklə onun səfir vəzifəsindən azad olunacağına dair fərmanın imzalanacağı gözlənilir. Bundan əvvəl isə Prezident XİN əməkdaşı Anar Mədətlinin (o, səfir Arif Məmmədovun Facebook statusunu like edənlərdən biridir) atası, Azərbaycanın Ukraynadakı səfiri və GUAM yanındakı daimi nümayəndəsi Eynulla Mədətlinin vəzifəsindən azad edilməsinə dair fərman verib.

Xatırladaq ki, onun oğlu Anar Mədətli Azərbaycanın Belçikadakı səfirliyinin əməkdaşıdır. Saytın iddiasına görə XİN-dəki hakimiyyət əleyhidarları arasında Belçikadakı səfirliyin daha iki əməkdaşı yer alır. Bunlar Fərəh Gözəlova və Ramiz Vəliyevdir.

Xəbərdə daha sonra hərəkatın bütün üzvləri, o cümlədən XİN-in mətbuat xidmətinin rəhbəri Hikmət Hacıyevin barəsində xidməti təhqiqat başlanıldığı iddia olunur.

YAP icra katibinin müavini, deputatı Siyavuş Novruzov diplomatın ünvanına sərt ifadələr işlədib. Deputat �Trend� agentliyinə deyib: �Uzun müddət Azərbaycanın Avropa İttifaqında nümayəndəliyinin rəhbəri, Avropa Şurası yanında daimi nümayəndəsi, indi isə İslam Əməkdaşlıq Təşkilatı yanında nümayəndəsi Arif Məmmədov Azərbaycan xalqına qarşı hörmətsizlik edib. Buna görə də, o, dərhal tutduğu vəzifədən geri çağırılmalı və ona verilən bütün diplomatik titullar alınmalıdır. Bu adamın qanında erməni qanı var. O deyir ki, "3 gün Azərbaycanda qaldım, mən qocaldım". 20 il Azərbaycanın dövlət vəsaiti hesabına, Azərbaycan vətəndaşlarının verdiyi vergilər hesabına 100 min avrodan bahalı maşında gəzən, uşaqlarını bahalı məktəblərdə oxutduran, ailəlikcə müxtəlif istirahət mərkəzlərində dincələn və Azərbaycan Respublikasından əməkhaqqı alan bu adam Azərbaycan haqqında belə söz deyirsə, o, yalnız erməni ola bilər.

Bu cür adamın diplomatik vəzifədə çalışması Avropa Şurası, Avropa Parlamenti tərəfindən antiazərbaycan bəyanatlarının yayılmasının başında kimin durduğunu bəlli edir. Bu adam özü Azərbaycan haqqında bu cür düşündüyü halda Avropa İttifaqında, Avropa Şurasında Azərbaycan haqqında hansı təbliğatı apara bilər? Avropadan gələn bütün insanlar, turistlər, beynəlxalq tədbirlərdə iştirak etmək üçün gələn dövlət adamları, prezidentlər Azərbaycanın nə qədər inkişaf etdiyini, Bakının, Azərbaycanın regionlarının nə qədər gözəlləşdiyini qeyd etdikləri halda, Azərbaycanın səfiri burada 3 gün yaşayanda qocalmağı barədə bəyanat yayır. Azərbaycanın sosial-iqtisadi inkişafını, Azərbaycanda tikilmiş üç mindən artıq məktəbi, 500-dən artıq uşaq bağçasını ya bunun gözü görmür, ya da görmək istəmir, çünki qanında erməni qanı var.
Arif Məmmədovun Azərbaycan haqqında çıxışı Zori Balayanın çıxışı ilə eynidir. Bu düşüncənin sahibi ancaq erməni ola bilər. Buna görə də, o, dərhal geri çağırılmalı, tutduğu vəzifədən azad edilməli və ona verilmiş bütün diplomatik rütbələr əlindən alınmalıdır�.

"Biz məlumatla tanış olduq. Xarici İşlər Nazirliyinin daxili prosedurlarına uyğun olaraq, məsələ tam şəkildə araşdırılacaq. Məlumat öz təsdiqini taparsa, bu, diplomat adına və adi etik qaydalara yaraşan hal deyil, qəbuledilməzdir, məsuliyyətsiz və qeyri-peşəkar davranışdır", - deyə H. Hacıyev APA-ya bildirib.