Milli Məclis Azərbaycan zabitinin ermənilər tərəfindən şəhid edilməsinə sərt mövqe sərgiləməli və etiraz səsini ucaltmalıdır.
Bunu millət vəkili Çingiz Qənizadə parlamentin bu gün keçirilən plenar iclasında deyib.

Onun sözlərinə görə, mayın 30-da ermənilərin təxribatı nəticəsində bir komandirimiz şəhid olub.
“Bu hadisə özü də ATƏT MQ həmsərdlərinin bölgədə səfərdə olduğu bir zamanda baş verib. Atəşkəsin olmasına baxmayaraq, ermənilər atəşkəs rejimini pozaraq komandirimiz şəhid edib. Biz Milli Məclis adından məsələ reaksiya verib, ATƏT-in Minsk Qrupuna bu hadisə ilə bağlı etirazımızı çatdırmalıyıq”.
Milli Məclis sədri Oqtay Əsədov isə bildirib ki, artıq Xarici İşlər Nazirliyinin ATƏT-in Minsk Qrupuna məsələ ilə bağlı etirazını çatdırıb və onları məlumatlandırıb:

“Beynəlxalq təşkilatlardakı nümayəndələrimizə tapşırıq verilib ki, bu məsələni beynəlxalq təşkilatlarda yüksək səviyyədə qaldırsınlar”.