“Azərbaycanda 1990-cı illərin əvvəlllərində qaz, elektrik yox idi. Heydər Əliyev Azərbaycanın enerjisi təhükəsizliyini, o cümlədən qida təhlükəsizliyini tam təmin etdi”.
Bunu Milli Məclis sədrinin müavini Valeh Ələsgərov bu gün parlamentdə YAP-çı gənclərlə görüşdə “Azərbaycanda enerji təhlükəsizliyi” mövzusunda çıxışı zamanı deyib.

Onun sözlərinə görə, Xəzər dənizinin hüquqi statusu müəyyənləşsə də, hələ də məsələ tam həllini tapmayıb:
“1993-1994-cü illərdə xarici şirkətlərin Azərbaycana dəvət edilməsi, sazişlərin imzalanması çox çətin idi. Saziş imzalamaq asan, ancaq bu sazişlərdə xalqın, dölətin maraqlarını qorumaq çətin idi. 1994-cü il sentyabrın 20-də Heydər Əliyevin uzaqgörən və müdrik siaysəti nəticəsində “Əsrin müqaviləsi”imzalandı. İmzalanma mərasimində şirkətlərlə bərabər həmin xarici dövlətlərin nazirləri də iştirak edirdilər, onlar da imza atdılar. Sonradan “Əsrin müqaviləsi” parlamentdə qanun kimi qəbul edilmək üçün təqdim edildi. Bir çox iqtisadçılar buna qarşı çıxırdılar. Bu saziş parlamentdə qanun kimi qəbul ediləndən sonra artıq bu saziş beynəlxalq sənəd və qanun kimi təsdiqləndi. Bunun əhəmiyyəti nə idi? O dövrdə Xəzərdə mübahisələr davam edirdi. Sənədin beynəlxalq saziş və qanun kimi qəbulu bu baxımdan mühüm əhəmiyyət kəsb edirdi. Bu, ilk baxışda xırda addım kimi görünsə də, gələcəyə hesablanmış böyük bir addım idi. Digər tərəfdən, “Əsrin müqaviləsi” Azərbaycanda qanun və normativ aktlardan üstündür. Bu, beynəlxalq investorların əmin bir şəkildə Azərbaycana sərmayə yatırması üçün vacib idi”.