“Təəssüflər olsun ki, son illərdə dünyada idmandan siyasi təzyiq vasitə kimi istifadə olunması halları ilə rastlaşırıq. Bəzi beynəlxalq güclər idmandan siyasi təzyiq aləti kimi istifadə edərək müxtəlif ölkələrə hansısa formada təzyiqlər edirlər. Bu yol verilməz haldır”.
Bu fikri “Ölkə.Az”a açıqlamasında Milli Məclisin Gənclər və idman komitəsinin sədri Ülvi Quliyev UEFA-nın final matçının Bakıda keçirilməsi ərəfəsində bəzi güclərin anti-Azərbaycan təbliğatı haqqında mövqeyini açıqlayarkən deyib.

Onun sözlərinə görə, son illərdə Azərbaycanda keçirilən mötbər idman yarışları və digər tədbirlər zamanı bu qüvvələr aktivləşərək Azərbaycanı hədəf seçməyə başlayırlar.

“Azərbaycan gənc ölkə olsa da, artıq dünyada bir idman ölkəsi kimi tanınır. Bunun bünövrəsi Ulu Öndər Heydər Əliyev tərəfindən qoyulub. Çünki müstəqilliyini yenicə elən edən bir ölkənin dünyada tanınması və mövqeyinin möhkəmlənməsində, öz potensialını dünyaya təqdim etməsində idmanın müstəsna rolu var.Ulu Öndərin idmana diqqət və qayğısı nəticəsində ölkədə idman qısa zamanda inkişaf etməklə, beynəlxalq yarışlarda ardıcıl uğrular əldə etməyə başladı. Bu siyasət Prezident İlham Əliyev tərəfindən də uğurla davam etdirilməyə başlandı. Onu qeyd etmək lazımdır ki, cənab İlham Əliyev Prezident olmamışdan idman sahəsinə böyük diqqət və qayğı göstərirdi, onun inkişafında əvəzsiz rol oynayırdı. Bundan sonra Azərbaycan davamlı olaraq beynəlxalq idman yarışlarına ev sahibliyi etməyə başladı və bu sahədə böyük təcrübə əldə etdi. Eyni zamanda bu tədbirlərin yüksək təşkilatçılıq qabliyyəti və təhlükəsiz şəraitdə keçirilməsi Azərbaycanın beynəlxalq aləmdəki mövqeyini daha da möhkəmlətdi.
Ü.Quliyev əlavə edib ki, artıq beynəlxalq idman təşkilatları özləri Azərbaycnda belə tədbirlərin keçirilməsində maraqlı oldular:

“Bunun bir sıra zəruri səbəbləri var idi. Bu da Azərbaycanın belə tədbirləri yüksək səviyyədə təşlkil etmək qabliyyəti, o cümlədən ölkədəki sabitlik və təhlükəsizliyin hökm sürməsi idi . Burada Azərbaycanın hərtərəfli inkişafı da müstəsna rol oynayırdı.

Təbii ki, Azərbaycan kimi gənc bir ölkənin belə bir uğurlara imza atması ölkəmizi sevməyən qüvvələri narahat etməyə bilməzdi. Çünki onlar yaxşı anlayır və bilirlər ki, UEFA-nın Bakıda keçiriləcək final matçı yüksək səviyyədə keçəcək və bu Azərbaycana əlavə dividentlər gətirəcək, onun beynəlxalq aləmdəki nüfuzunun artmasına və möhkəmlənməsinə xidmət edəcək. Ona görə də, anti-Azərbaycan qüvvələr bu uğura kölgə salmaq üçün əvvəlcədən belə təbliğat kampaniyasına start veriblər. Bu öncə də söylədiyim kimi həmin güclərin idmandan bir siyasi alət kimi istifadə edərək Azərbaycanın uğurlarına kölgə salmaqdır. Ancaq bütün bunlara rəğmən Bakıda keçirləcək final matçı möhtəşəm səviyyədə təşkil olunacaq və Azərbaycanı sevməyən qüvvələrin o məkrli niyyətləri baş tutmayacaq. Bu cür təzyiqlər və maneələrlə Azərbaycanın tutduğu inkişaf yolundan geri döndərmək mümkün deyil. Hələ Azərbaycan budan da mötəbər yarışlara ən yüksək səviyyədə ev sahibliyi edəcək”.