Rusiya xarici işlər naziri Sergey Lavrovun Türkiyəyə planlaşdırılan səfəri təxirə salınıb.Azərinfo.az-ın verdiyi xəbər görə, bu barədə Rusiya məlumat yayıb.

Nəşr qeyd edir ki, Türkiyədə keçiriləcək parlament seçkiləri ilə əlaqədar mayın 16--da Türkiyə-Rusiya Yüksək Səviyyəli Strateji Əməkdaşlıq Şurasının V toplantısı təxirə salınıb. Sergey Lavrov bu toplantıda iştirak etməli idi.

Xəbərə görə, Lavrovun səfərinin təxirə salınması Türkiyə tərəfinin xahişi ilə həyata keçirilib.

Rusiya mətbuatı iddia edir ki, Türkiyə tərəfinin toplantını təxirə salması Rusiya üçün jestdir. Belə ki, rəsmi Ankaranın belə qərar verməsinin səbəbi Rusiya prezidenti Vladimir Putinin İrəvanda qondarma erməni soyqırımının 100 illiyinə həsr olunmuş tədbirlərdə iştirak etməsidir.





Ülkər