Azərbaycanda Sosialist İnqilabının 95-ci ildönümü ilə əlaqədar Azərbaycan Kommunist Partiyası Mərkəzi Komitəsində tədbir keçirilmişdir. Tədbirdə KPİ-Sov. İKP Mərkəzi Şurasının üzvü, AKP MK-nın sədri Rauf Qurbanov "XXI əsr - sosializm əsridir" mövzusunda geniş məruzə ilə çıxış etmişdir.Natiq tədbir iştirakçılarının diqqətinə sosialist inqilabının əhəmiyyətini, onun kapitalizm quruluşu ilə müqayisədə üstün cəhətlərini, cəmiyyətin inkişafı üçün verdiyi töhfələri çatdırmış, Kommunist Partiyasının rəhbərliyi altında Azərbaycanda 70 ildə yaradılmış elmi-iqtisadi potensial haqqında danışmışdır.Daha sonra məruzədə sosializm sistemində Lenin milli siyasətinin necə uğurla həyata keçirildiyi, bütün xalqların və millətlərin beynəlmiləl birliyi, fəhlələrin, kəndlilərin, ziyalıların bütün zəhmət adamlarının pulsuz təhsil, mənzil hüquqlarının təmin olunduğu öz əksini tapmışdı. Azərbaycan kommunistlərinin lideri çıxışında sosializm quruluşunda gənc nəslə olan qayğıdan və onların perespektivlərindən də danışmışdır.Tədbirdə AKP-nin bütün şəhər-rayon təşkilatlarının 1 may Zəhmətkeşlərin Beynəlxalq Həmrəyliyi günü münasibətilə respublikanın müxtəlif park və xiyabanlarında may gəzintisinin keçirilməsi də geniş müzakirə olunaraq onunla əlaqədar müvafiq qərar qəbul edilmişdir. Bununlada AKP MK - nın tədbir öz işini yekunlaşdırmışdır.

http://www.movqe.az