Kuba dövlətinin iddiasına görə, ABŞ Venesuelaya hərbi müdaxilə etmək üçün Karibə xüsusi təyinatlılarını yerləşdirib.
Bu barədə Kubanın “Granma” qəzeti məlumat yayıb. Qəzetin xəbərinə əsasən, ABŞ hərbi təyyarələri ötən həftə Puerto Riko və Dominikan respublikası da daxil olmaqla regiondakı stratejik nöqtələrə enib. Bildirilir ki, ABŞ-ın Venesuelanın siyasətinə qarışması göndərmək istədiyi humanitar yardımdan min dəfə çox ziyana səbəb olur.

Trampın Venesuela nümayəndəsi Elliot Abrams isə bu xəbəri yalanlayıb. Dominikan Respublikasının XİN rəhbəri Migel Varqas da iddianın yalan olduğunu bildirib.
Tramp çərşənbə günü açıqlama verərək Venesuela böhranı ilə bağlı bütün versiyaların masaya yatırıldığını bildirmişdi.