“Türkiyənin Baş naziri Əhməd Davudoğlu uydurma “erməni soyqırımı”nın 100 illiyi ilə bağlı yazılı açıqlamasında 1915-ci ildə köçürmə zamanı ölən Osmanlı ermənilərini hörmətlə anıb, onların övladları və nəvələrinin acısını bölüşdüyünü bildirərək başsağlığı verib”. Bunu Azərinfo.az-a açıqlamasında Beynəlxalq Media və Araşdırmalar Mərkəzinin rəhbəri, siyasi yazar Ülkər Musazadə deyib. Onun sözlərinə görə, bu gün hər kəs Davutoğlunun nitqini qondarma erməni soyqrımı ilə bağlı deyil, köçürmə zamanı ölən düşmən belə olsa onun xatirəsini anmaq türkə yaraşar nöqteyi nəzərindən qiymətləndirməlidir: "Davutoğlunun nitqində düşmən ermənilərin xeyrinə bir kəlmə belə işlədilməyib və bu nitq siyasi əhəmiyyətli bir nitqdir. Əsl türk düşmənin ölüsünü də, sayqı ilə anırsa, Avropa İttifaqının verdiyi qərar kimi bir türk “soyqrımı” törədə bilərmi? Bu nitq əslində “qondarma soyqrım”ı tanıyan hər bir dövlətin verdiyi qərarı ifşa edir. Artıq bildiyimiz kimi dünya ölkələrinin çox hissəsi 24 aprel tarixində Çanaq-Qala Zəfərinin 100 illiyi ilə bağlı Türkiyədə olacaqlarını təsdiqləyiblər. Bu nitqin digər siyasi anlamı da, məhz həmin gün Avropa ölkələrinin liderlərinin Türkiyəyə səfərini sığortalamaq anlamı daşıyır. Lakin daha sonra sayın Davudoğlunun səsləndirdiyi “Bütün üçüncü tərəflərə də tarixi yaraları deşmək yerinə, ortaq sülhə əsaslanan gələcəyə töhfə verməyə çağırırıq”-kimi fikri ilə razı deyiləm. Əslində bu fikrin formal xarakter daşıdığının hər kəs fərqindədir. Əgər üçüncü tərəflər sülhə əsaslanan gələcəyə töhvə vermək iqtidarında olsaydı, bu gün Dağlıq Qarabağ münaqişəsi öz həllini tapmış olardı. Əgər üçüncü tərəflər sülhə əsaslanan gələcəyə töhvə vermək iqtidarında olsaydı bu gün Dağlıq Qarabağ münaqişəsinə ən azından ATƏT-in Minsk Qrupu töhvə vermiş olardı... Hər bir siyasətçi bilir ki, indiki şərtlərdə üçüncü tərəf varsa, bu münaqişənin həlli artıq yaxın görünmür anlamını verir. Çünki bir münaqişəyə üçüncü tərəf müdaxilə edirsə, mütləq sürətdə dördüncü, beşinci tərəflərin də, müdaxiləsi gözlənilir. Türkiyə hazırda Suriya və digər dini təriqətlərin səbəb olduğu müharibə qığılcımları ilə üz-üzə ikən, digər tərəfdən Qərb və ABŞ-ın Rusiyaya qarşı tətbiq etdiyi sanksiyalara rəğmən Rusiya ilə əməkdaşlıq qurmasını sərgiləyir. Bu olduqca ciddi və riskli bir siyasi manevrdir. O üzdən bu cür xırda detallar və formal xarakter daşıyan nitqlərdən ara-səra həmin böyük və riskli siyasi manevrin uğurlu alınması üçün istifadə etmək normal qəbul olunmalıdır”.










Gülçin