Azərbaycan seçicilərinin heç də hamısının deputat sarıdan bəxti gətirməyib. Ad çəkmək etik olmadığı üçün etiraf etmək lazımdır ki, bir sıra millət vəkili mandatı daşıyanlar seçicilərini illərlə yada salmırlar, parlamentin iclaslarına getmirlər, gündəlik duran məsələlər barədə çıxış etmirlər. Ona görə pis və yaxşı deputatlar rubrikamıza start vermişik.

Cahan.info xəbər verir ki, bu mənada Bakının Nərimanov rayon seçicilərinin bəxtinin gətirdiyini söyləmək olar.

Onların səs verərək seçdiyi millət vəkili Adil Əliyevin seçici ilə təmasının ilk göstəricisi qərargahının yaşayış binalarından birinin düz həyətində olmasıdır.

Yəni, A.Əliyev seçicidən qaçan deputat deyil. Necə deyərlər, elə oğlan deyil ki, kimdənsə gizlənsin, sözünü deyən vətəndaşdan yan gəzsin, onun dərdinə şərik çıxmasın.

Bəlkə də A.Əliyev haçansa deputat olmasa belə bu günkü aktiv fəaliyyətini bir insan, fəal vətəndaş kimi davam etdirəcək, seçicinin ona göstərdiyi etimadın, hörmətin əvəzi olaraq yenə də onların yanında olacaq.

Həqiqətən də Türkiyədə olduğu kimi, A.Əliyev də millət vəkili kimi millətin içində olanlardan biridir. Bir sıra deputatların qərargahının ünvanını seçiciləri belə tanımırlar ki, qapısını döyüb dərdlərini danışsınlar.

A.Əliyev isə məhəllədə yerləşən ofisini sakinlərin üzünə açıq elan edib. Kimin nə problemi varsa, imkanı çatdığı qədər köməklik edir, yuxarı instansiyaların nəzərinə çatdırır.

Təkcə bu fəaliyyətinə görə deyil, eyni zamanda Adil Əliyev deputat kimi seçicilərin xeyir-şər işlərində iştirak edir, aztəminatlı ailələrə yardım göstərir, Nərimanov rayonunda idmana həvəsi olan cavanları, yeniyetmələri yanına çəkir, dəstək verir.

Həmçinin, imkansız ailələrin uşaqlarına məktəb ləvazimatlarının alınmasında dəstəyini əsirgəmir, bayramlarda onlarla birgə olur, xalqın deputatı kimi fəaliyyət göstərir.

Adil Əliyev o millət vəkillərindəndir ki, sosial şəbəkələrdə aktivdir, fikirlərini yazır, düşüncələrini bölüşür, onu bəyənən, izləyən minlərlə sosial şəbəkədə istifadəçisi var. Halbuki, onlarla deputat adı çəkmək olar ki, nə feysbuka daxil olurlar, nə seçicilərlə görüşürlər.

A.Əliyev isə seçicisindən nə reallıqda, nə virtualda gizlənir. Əksinə, hər iki fazada təmasları artırır, daha çox kömək göstərməyə çalışır.

A.Əliyev seçicidən ona görə gizlənmir ki, bu onun ailədən gələn əxlaqıdır. Hər zaman insanlara dəstək olmaq, dara, çətinə düşənin əlindən tutmaq bu ailədə irsi mədəniyyətdir. Adil Əliyev də bu ruhda, belə bir mühitdə tərbiyə aldığı üçün heç vaxt seçicilərdən, xalqdan gen gəzməyib.

Deputatların seçildikləri rayonlarda yol, su çəkdirəcəkləri və s. vədlər elə seçki kampaniyası bitər-bitməz unudulur…

Amma millət vəkili statusunu daşıdığı illər ərzində öz vədinə sadiq qalan, seçicilərini və onların problemlərini bircə anlıq belə olsun unutmayan deputatlarımız da var.

Bu şərəfli işik öhdəsindən layiqincə gələn millət vəkilləri sırasında Adil Əliyevin adını xüsusilə vurğulaya bilərik.

İstər seçicilər, istərsə də həmkarları və media nümayəndələri ilə qurduğu səmimi münasibətlə hər zaman gündəmə gələn Adil müəllimin siyasi və ictimai fəaliyyəti daima göz önündədir.

Bəzən o, seçicilərinin problemlərini həll etməkdən ötrü məmurları tənqid etməkdən belə çəkinmir. Əlbəttə ki, parlamentdə əyləşən heç də hər deputat bu addımı atmır.

Yəqin ki, Adil müəllimin parlamentdə təmsil etdiyi seçki dairəsinin seçicilərinin istilik probleminə görə, Azəristilik ASC rəhbərliyinin ünvanına səsləndirdiyi sərt tənqidi hamı xatırlayır.

Adil Əliyev istilik sistemində yaranan problemlərin həllinə dair illər üzrə statistikaya əsasən büdcədən ayrılan pulların miqdarını göstərərək bildirmişdir ki, onun seçicilərinin istilik problemləri həll olunmazsa, Hesablama Palatasına və Korrusiyaya qarşı Mübarizə Idarəsinə həmin rəqəmlərin yoxlanılması barədə müraciət edəcək. Bütün bunlar Adil Əliyevin öz seçicilərinin problemlərini həll etməkdən ötrü heç nədən çəkinmədiyini bir daha isbatlayır.

Onu bir çox deputatlardan fərqləndirən cəhəti həm də mətbuata açıq olması, telefonuna zəng edən jurnalistlərin istənilən sualına cavab verməsidir.

A.Əliyev həmişə mediaya hörmətlə yanaşıb, bəziləri kimi telefonu asmayıb və yaxud söndürməyib. Çünki onun fəaliyyətində gizlədəcəyi bir məqam yoxdur. Millətin içində olan millət vəkili əsla nədənsə çəkinmir.

Qeyd edək ki, Adil Əliyev 20 saylı Nərimanov ikinci seçki dairəsindən deputat seçilib.

1992-ci ildən Azərbaycan Respublikası Müdafiə Nazirliyinin Hərbi Dəniz Qüvvələrində bölmə rəisi, 1994-cü ildən Azərbaycan Respublikası Daxili İşlər Nazirliyinin Nəqliyyatda Baş Polis İdarəsinin Su Nəqliyyatında Polis İdarəsində növbətçi inspektor, əməliyyat müvəkkili, baş əməliyyat müvəkkili, 1998-ci ildən Səbail Rayon Polis İdarəsinin 39-cu polis bölməsində baş əməliyyat müvəkkili, rəis müavini işləyib.

1999–2002-ci illərdə Su Nəqliyyatında Polis İdarəsində Xətt polis şöbəsinin rəisi, bölmə inspektoru olub.

2002-ci ildən Bakı Şəhər Polis İdarəsinin bölmə rəisi, Yasamal Rayon Polis İdarəsinin şöbə rəisi, 2004–2005-ci illərdə Nərimanov Rayon Polis İdarəsi 16-cı polis bölməsinin rəisi vəzifələrində çalışıb.