Əbülfət Məhərrəmov Komissiyada nazirliyin nümayəndəsi və əlaqələndirici şəxsi seçilib
Azərbaycan Respublikası Əmək və Əhalinin Sosial Müdafiəsi Nazirliyinin, Azərbaycan Həmkarlar İttifaqları Konfederasiyasının (AHİK) və Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının (ASK) nümayəndələrindən ibarət Azərbaycan Respublikasında Sosial və İqtisadi Məsələlər üzrə Üçtərəfli Komissiyanın növbəti iclası keçirilib.
Nazirlikdən AZXEBER.COM-a verilən məlumata görə, iclasda Komissiyanın sədri, əmək və əhalinin sosial müdafiəsi naziri Səlim Müslümov Azərbaycan Prezidenti cənab İlham Əliyevin sosial-iqtisadi islahatlar proqramına uyğun olaraq, ölkəmizdə əmək bazarının inkişafına, əmək bazarı iştirakçılarının qanuni mənafelərinin müdafiəsi mexanizminin təkmilləşdirilməsinə yönələn tədbirlərin ildən-ilə gücləndirildiyini diqqətə çatdırıb: "Bu yöndə aparılan islahatlar, eləcə də qabaqcıl dünya təcrübəsindən irəli gələn yanaşmalar ölkəmizin əmək qanunvericiliyinin də təkmilləşdirilməsi zərurətini yaradır. Bununla əlaqədar Azərbaycan Respublikasının Əmək Məcəlləsinə dəyişikliklər edilməsi məqsədilə qanun layihəsi hazırlanıb. Həmin dəyişikliklər Azərbaycan Respublikası Konstitusiya Məhkəməsinin şərhlərinin nəzərə alınmasına, Məcəllənin beynəlxalq sənədlərə uyğunlaşdırılmasına, sosial partnyorluğun inkişafına, əmək müqaviləsinə xitam verilməsinin əsasları və qaydasının, habelə imperativ və dispozitiv normaların dəqiqləşdirilməsinə, müəyyən boşluq və kolliziya ilə bağlı (o cümlədən "işəgötürən” və "müəssisə” anlayışları, əmək müqaviləsinə "xitam verilməsi” və ya əmək müqaviləsinin "ləğv edilməsi” ifadələri baxımından) təkmilləşdirmənin aparılmasına və s. yönəlib”.
Nazir bildirib ki, işçi və işəgötürənlər arasında əmək münasibətləri yalnız əmək müaviləsi əsasında rəsmiləşdirilməlidir: "Mülki-hüquqi xarakterli müqavilələr isə əmək münasibətlərinin rəsmiləşdirilməsinə əsas vermir. Ona görə də Əmək Məcəlləsinə nəzərdə tutulan dəyişikliklərin məqsədlərindən biri də "əmək münasibətləri” anlayışının Məcəllədə dəqiq ifadə olunması və əmək münasibətlərinin mülki-hüquqi xarakterli müqavilələrlə rəsmiləşdirilməsi hallarının qarşısının alınmasıdır”.
S.Müslümov hazırkı iclasın gündəliyində dayanan məsələlərdən digərinin gənclərin subsidiyalı əsaslarla məşğulluğuna imkan yaradılmasına yönələn layihə ilə bağlı olduğunu diqqətə çatdırıb: "Nazirlik tərəfindən həyata keçirilən aktiv məşğulluq tədbirlərinin əsas məqsədləri sırasında gənclərin səmərəli məşğulluğunun təminatı mühüm yer tutur. Cari ilin 10 ayında da dövlət məşğulluq orqanları tərəfindən münasib işlə təmin edilənlərdən 15,9 min nəfərə yaxını və ya 36,3 faizi, peşə hazırlığı və əlavə təhsil kurslarına cəlb olunanlardan 1,8 min nəfərdən çoxu və ya 57,4 faizi gənclər olub. Gənclərin məşğulluğunun dəstəklənməsində yeni formatda aktiv məşğulluq tədbiri kimi, son illərdə Beynəlxalq Əmək Təşkilatı (BƏT) ilə birgə icra olunan "Təhsildən məşğulluğa: gənc, ali təhsilli, ilk dəfə iş axtaranlara dəstək” pilot layihəsi üzrə ölkəmizdə ilk dəfə iş axtaran bir qrup gəncin subsidiyalı əsaslarla müəyyən dövr üçün işə qəbulu həyata keçirilib. Nəticədə, layihə müddəti bitsə də, həmin gənclərin 90 faizi sonradan işəgötürən tərəfindən öz iş yerlərində saxlanılaraq daimi işlə təmin olunublar. Bu da belə layihələrin əhəmiyyətli olduğunu təsdiq edir. Ona görə də BƏT-lə əməkdaşlıqda həyata keçirilən "2016-2020-ci illər üçün Layiqli Əmək üzrə Ölkə Proqramı” çərçivəsində "Gənclərin layiqli məşğulluq imkanlarının genişləndirilməsinə yönəlmiş pilot subsidiya proqramı”nın icrası planlaşdırılır. Bu günkü iclasda bu mövzuda da müzakirələrin aparılması nəzərdə tutulub”.
İclasda əmək və əhalinin sosial müdafiəsi nazirinin müavini İdris İsayev BMT-nin 8-ci Davamlı İnkişaf Məqsədinin icrasına dair gələn il ölkəmizdə beynəlxalq konfransın təşkili məsələləri ilə bağlı məlumat verib və mövzuya dair müzakirələr aparılıb. Həmçinin Əmək və Əhalinin Sosial Müdafiəsi Nazirliyinin Əmək siyasəti şöbəsinin müdir müavini Əbülfət Məhərrəmov "Azərbaycan Respublikasının Əmək Məcəlləsinə dəyişikliklər edilməsi haqqında” qanun layihəsi barədə təqdimatla çıxış edib. Məcəlləyə nəzərdə tutulan dəyişikliklər komissiya üzvləri tərəfindən geniş müzakirə olunub, bir sıra təkliflər də səsləndirilib. Qanun layihəsindəki bəzi məqamların müzakirəsinin Komissiyanın növbəti iclasında davam etdirilməsi qərara alınıb.
Tədbir nazirliyin Məşğulluq siyasəti və demoqrafiya şöbəsinin müdiri Elnur Süleymanovun "Azərbaycan Respublikasının 2016-2020-ci illər üçün Layiqli Əmək üzrə Ölkə Proqramı çərçivəsində həyata keçriləcək "Gənclərin layiqli məşğulluq imkanlarının genişləndirilməsinə yönəlmiş pilot subsidiya proqramı” barədə məlumat verməsi ilə davam edib. Gənclərin məşğulluğunun dəstəklənməsinə xidmət edən proqram Komissiya üzvləri tərəfindən müsbət dəyərləndirilib.
Daha sonra iclasda təşkilati məsələlərə baxılıb. Bildirilib ki, Azərbaycan Respublikası Sosial və İqtisadi Məsələlər üzrə Üçtərəfli Komissiyanın əsasnaməsinə görə görə, Komissiyada təmsil olunan Tərəflərin rəhbərləri növbə ilə və ardıcıllıqla bir il müddətinə Komissiyanın sədri seçilir. Beləliklə, ardıcıllığa uyğun olaraq Azərbaycan Həmkarlar İttifaqları Konfederasiyasının sədri Səttar Mehbalıyev növbəti bir il üçün Azərbaycan Respublikasında Sosial və İqtisadi Məsələlər üzrə Üçtərəfli Komissiyanın sədri, Əmək və Əhalinin Sosial Müdafiəsi Nazirliyinin Əmək siyasəti şöbəsinin müdir müavini Əbülfət Məhərrəmov isə Komissiyada nazirliyin nümayəndəsi və əlaqələndirici şəxsi seçilib.
Bu gün, 13:10
Azərbaycan vətəndaşları 95 ölkəyə vizasız səfər edə bilər
Bu gün, 13:00
Prezident babasından danışdı: "İş kabinetlərimdə heç bir heykəl yoxdur, təkcə bu var"
Bu gün, 12:55
İlham Əliyev Qurban Qurbanova "Dostluq" ordenini təqdim edib
Bu gün, 12:49
Evinin "kupça"sı olmayanlara ŞAD XƏBƏR - Amnistiya təklif olunur
Bu gün, 12:45
Ölkəyə bu malları gətirən şəxslərə güzəşt ediləcək
Bu gün, 12:32
Vilayət Eyvazov xidmətə qəbul üçün sıra baxışı keçirdi - VİDEO
Bu gün, 12:19
"AÇIQLANDI: Azərbaycan quru sərhədlərini bu səbəbdən bağlı saxlayır"
Bu gün, 11:23
Trampın ad gününə hücumu planlaşdıran "Çoban" saxlanılıb
Bu gün, 11:18
ABŞ-İran danışıqları təxirə salındı
Bu gün, 11:13
Xankəndi şəhərinə daha 18 ailə yola salındı
Bu gün, 10:05
Tur paketləri adı altında dələduzluq: Şübhəli bilinən qadın ölkədən qaçdı
Bu gün, 09:54
"Memorandum İranın kapitulyasiyasıdır" - Tramp
Bu gün, 09:50
Azərbaycan və İtaliya arasında mədəni əməkdaşlığın yeni istiqamətləri müzakirə olunub
Bu gün, 09:40
Arvadını bacısı kimi təqdim edirmiş... – Bakıda film kimi dələduzluq
Bu gün, 09:31
Türkiyə kəşfiyyatı Almaniyanı lərzəyə saldı
Bu gün, 09:27
Hörmüz boğazı ilə bağlı xərclər İran tərəfindən ödəniləcək
Bu gün, 09:23
ABŞ rəsmisindən qalmaqallı açıqlama: İranda yüzlərlə insanın ölümündə İlon Maskın əli var
Bu gün, 09:17
Azərbaycanlı gənc faciəvi şəkildə öldü
Bu gün, 09:00
Qurban Qurbanovun qovduğu Elvin ən bahalı azərbaycanlı futbolçudur
Dünən, 16:00
Türkiyə Ermənistanla münasibətlərin tam normallaşması üçün ŞƏRTİNİ AÇIQLADI
Dünən, 15:30
ABŞ-ın İran əməliyyatına çəkdiyi xərc bu qədər oldu - Sayğac dayandı
Dünən, 14:30
İlham Əliyev İslam İnkişaf Bankı Qrupunun sədrinə "Dostluq" ordenini təqdim edib
Dünən, 13:17
Azərbaycan əhalisinin sayı artıb
Dünən, 12:13
Faciədən sonra atalara səsləndi: "Sizə pis ata desələr də, nəzarəti əldən verməyin"
Dünən, 12:04
İlham Əliyev: Ermənistan 90-cı illərdə urbisid yaratmışdı, lakin onlara qarşı heç bir sanksiya tətbiq olunmadı
Dünən, 12:00
ABŞ-İran sazişi, Versal mesajı: 100 il sonra Yaxın Şərq yenidən şəkilləndirilməsi
Dünən, 11:37
AYNA-dan taksi operatorları ilə bağlı QƏRAR