Mübariz Qurbanlıdan şeyxlə bağlı xəbərlərə

Prezidentin sosial şəbəkə hesablarında Dövlət Suverenliyi Günü ilə bağlı videoçarx paylaşılıb - Video

Azərbaycanda Dövlət Suverenliyi Günüdür

Azərbaycan lideri xanımı ilə ziyarətgahda - Fotolar

İlham Əliyev TDT TŞ rəhbərlərini qəbul etdi

İlham Əliyev açılışda iştirak edib - FOTOLAR

Süni intellektin tətbiqi genişləndirilməlidir - İlham Əliyev

Prezident icra başçısını vəzifədən AZAD ETDİ

Prezident Hakan Fidanı qəbul etdi - Foto

Mübariz Qurbanlıdan şeyxlə bağlı xəbərlərə - REAKSİYA

Siyaset

Oxunub: 800

21 sen 2017 | 20:17

Mübariz Qurbanlıdan şeyxlə bağlı xəbərlərə - REAKSİYA

Dini Qurumlarla iş üzrə Dövlət Komitəsinin sədri Mübariz Qurbanlı son günlər Qafqaz Müsəlmanları İdarəsinin sədri Allahşükür Paşazadə haqqında mətbuatda yazılan informasiyalara münasibət bildirib.

Bununla bağlı Qafqazinfo-ya açıqlama verən komitə sədri qeyd edib ki, Şeyxülislam Allahşükür Paşazadə ilə bağlı bu cür yazıların yazılması ziyanlıdır: "Şeyxülislam Azərbaycanda və Qafqazda İslam dinini təmsil edən ən yüksək statuslu din xadimidir. Onun fəaliyyəti həm Ulu Öndər Heydər Əliyev, həm də prezident cənab İlham Əliyev tərəfindən yüksək qiymətləndirilib. Şeyxülislam kimi dövlətimizin orden və medalları ilə təltif olunub. Eyni zamanda, vaxtilə Şeyxülislama qarşı mətbuatda gedən yazılara Ulu Öndər öz kəskin etirazını bildirib.

Azərbaycanda dövlət-din münasibətlərini tənzimləyən prinsiplər Konstitusiyamızda təsbit olunub. Əsas qanunumuza görə, din dövlətdən ayrıdır. Bununla belə, dövlət və cənab prezident dini qurumlara qayğı ilə yanaşır. Dini qurumların, xüsusilə Qafqaz Müsəlmanları İdarəsinin hüquq və səlahiyyətləri qanunla müəyyənləşib”.

Onun sözlərinə görə, Şeyxülislam Allahşükür Paşazadənin rəhbərliyi ilə Qafqaz Müsəlmanları İdarəsi ölkədə şəriət məsələlərinin tənzimlənməsi, İslam maarifləndirməsinin həyata keçirilməsi istiqamətində ardıcıl fəaliyyət göstərir: "Həmçinin, Şeyxülislamın İslam dünyası ilə, eləcə də, dünyanın nüfuzlu dini mərkəzləri ilə əlaqələrin qurulmasında, beynəlxalq səviyyədə, xüsusilə MDB məkanında dinlərarası dialoq prosesinin həyata keçirilməsində, tolerant və multikultural dəyərlərin təbliğ edilməsində önəmli xidmətləri var. Buna görədir ki, o, xarici ölkələrin dövlət və hökumət başçıları tərəfindən də yüksək orden və medallara layiq görülüb.

Şeyxülislam Allahşükür Paşazadə Azərbaycanla, xüsusilə Qarabağla bağlı həqiqətlərin dünya ictimaiyyətinə çatdırılması istiqamətində məqsədyönlü fəaliyyət göstərir. O, dəfələrlə Azərbaycan həqiqətlərini dünyanın nüfuzlu tribunalarından səsləndirib.

Dini Qurumlarla İş üzrə Dövlət Komitəsi qanunvericiliyə uyğun olaraq, dini icmaların fəaliyyətinin təşkilində, dini maarifləndirmə işinin həyata keçirilməsində, Azərbaycan həqiqətlərinin dünyaya çatdırılmasında Qafqaz Müsəlmanları İdarəsi ilə birgə fəaliyyət göstərir. Bunun bariz nümunəsi ötən il "Multikulturalizm ili” və bu il "İslam Həmrəyliyi İli” çərçivəsində həyata keçirdiyimiz tədbirlərdir. Biz birlikdə cənab prezidentin tapşırığına uyğun olaraq, "İslam Həmrəyliyi İli” çərçivəsində Bakıda, Finlandiyada və İranda beynəlxalq konfranslar keçirmişik. Növbəti konfranslarımız ilin sonunadək Türkiyə, Özbəkistan, İspaniya və Rusiyada keçiriləcək. Bununla yanaşı, Naxçıvanda və Bakıda ilin yekunlarına həsr olunmuş beynəlxalq konfrans təşkil olunacaq və Qafqaz Müsəlmanları İdarəsi ilə birgə fəaliyyətimiz bundan sonra da davam edəcək.

Bir daha vurğulamaq istəyirəm ki, Şeyxülislama qarşı bu cür qərəzli yazılar qəbuledilməzdir”.