İlham Əliyevin ötən ildən dəyişən siyasi kursundakı gizli proje - Araşdırma

Prezident siyasi-iqtisadi kursa etdiyi dəyişikliklə böyük nəticələrə, uğurlara nail oldu.

İlham Əliyev iqtisadi islahatlar kursunun əsas hədəflərini isə belə müəyyənləşdirib: biznes mühitinin yaxşılaşdırılması üçün sahibkarlara daha da böyük dəstək veriləcək.

Prezident İlham Əliyevin ötən ilin əvvəlində səsləndirdiyi “2016-cı il dərin islahatlar ili olacaq” bəyanatının belə geniş miqyası əhatə edəcəyini əslində çoxları gözləmirdi.

Bu islahatları şərtləndirən mühüm səbəblər vardı.

Dünya iqtisadiyyatına inteqrasiya edən və bu sistemin bir parçasına çevrilən milli iqtisadiyyatımız qlobal böhranın fəsadlarından uzun illər qoruna bilsə də, bu təsirlər son illərdə müəyyən itkilərə rəvac verdi.

Dünya bazarında enerji qiymətlərinin üç dəfə aşağı enməsi, əsas iqtisadi-ticari tərəfdaşlarımızın iqtisadiyyatının ciddi tənəzzül yaşaması və valyutalarının tam dəyərdən düşməsi Azərbaycan büdcəsinin gəlirlərinə və manatın məzənnəsinə mənfi təsir göstərdi.

Son iki il ərzində ölkə iqtisadiyyatı “kəmərləri bərkitmək” prinsipi əsasında qənaət və səmərəli xərclər rejiminə keçib.

İlham Əliyevin yeni islahatlar kursunun istinad mənbəyi isə şübhəsiz ki, məhz milli iqtisadiyyat və iqtisadiyyatın əsas sektorları üzrə strateji yol xəritələridir.

Ənənəvi neft və qaz istiqaməti ilə yanaşı, aqrar sektorun inkişafına xüsusi diqqətin ayrılması Azərbaycanın qlobal iqtisadi hədəflərini tam mənasında aydınlaşdırır.

İlham Əliyev iqtisadi islahatlar kursunun əsas hədəflərini isə belə müəyyənləşdirib: biznes mühitinin yaxşılaşdırılması üçün sahibkarlara daha da böyük dəstək veriləcək.

Ulus.Az xəbər verir ki, bu islahatları şərtləndirən mühüm səbəblər rüşvət, bürokratik əngəllərməmur özbaşınalığı, büdcə vəsaitlərinin xərclənməsində qeyri-şəffaflıq, bir-birini təkrarlayan qurumların büdcəyə ağırlığı idi.

Respublikamız üçün xarakterik olan beynəlxalq uğurlardan biri qlobal kataklizmlərin daha da dərinləşdiyi həssas dönəmlərdə belə öz yolu ilə inamla addımlamasıdır.

Xüsusən beynəlxalq iqtisadi geriləmənin yaşandığı və hər bir dövlət üçün sınaq dövrü olan son illərdə Azərbaycan böhrandan layiqincə çıxıb və həyata keçirilən iqtisadi islahatlarla öz inkişafının yeni mərhələsinə qədəm qoyub.

Hazırda dünyada gedən siyasi və iqtisadi proseslər ölkə iqtisadiyyatının rəqabət qabiliyyətini artırmaq, idxaldan asılılığı azaltmaq, ixracyönümlü qeyri-neft iqtisadiyyatının əsaslı inkişafını təmin etmək, insan kapitalından səmərəli istifadə etmək kimi prioritetlərin ön plana çəkilməsini zəruri edir.

Məlum olduğu kimi, bu il də dünyanın əksər ölkələrinin iqtisadiyyatında inkişaf templəri azalıb, makroiqtisadi göstəricilər zəifləyib.

Yaranmış situasiya ölkəmizdə də iqtisadiyyatda gələcək neqativ ssenarilərə qarşı mütləq qoruyucu və qabaqlayıcı mexanizmlərin həyata keçirilməsini və gücləndirilməsini zəruri edirdi. Prezident siyasi-iqtisadi kursa etdiyi dəyişikliklə böyük nəticələrə, uğurlara nail oldu.