Nazim İbrahimovun maaş qalmaqalı böyüyür: “Federasiyanı belə dağıtmaq istəyirsiniz?”

Prezidentin sosial şəbəkə hesablarında Dövlət Suverenliyi Günü ilə bağlı videoçarx paylaşılıb - Video

Azərbaycanda Dövlət Suverenliyi Günüdür

Azərbaycan lideri xanımı ilə ziyarətgahda - Fotolar

İlham Əliyev TDT TŞ rəhbərlərini qəbul etdi

İlham Əliyev açılışda iştirak edib - FOTOLAR

Süni intellektin tətbiqi genişləndirilməlidir - İlham Əliyev

Prezident icra başçısını vəzifədən AZAD ETDİ

Prezident Hakan Fidanı qəbul etdi - Foto

Nazim İbrahimovun maaş qalmaqalı böyüyür: “Federasiyanı belə dağıtmaq istəyirsiniz?”

Siyaset

Oxunub: 990

11 okt 2016 | 10:14

Azərbaycanda idman sahəsinə küllü miqdarda vəsait ayrılsa da, əksər idman növlərində vəziyyətin qənaətbəxş olmadığı bildirilir. Bu idman növlərinin bəzisi ilə bağlı məlumat verilib. Diqqətçəkən odur ki, pis durumda olanlar əsasən olimpiya idman növləridir. Özü də bu idman növlərinin Azərbaycanda köklü ənənələri olub; otüstü xokkey, həndbol və c.

Meydan.tv-nin əməkdaşı qılıncoynatma sahəsindəki vəziyyəti araşdırıb. Sayt yazır ki, qılıncoynatmanın Azərbaycanda ənənəsi olub. Təkcə bir faktı deyək: iki dəfə olimpiya çempionu olmuş yeganə azərbaycanlı idmançı qılıncoynadandı. Söhbət İlqar Məmmədovdan gedir. İlqar Məmmədov 1988-ci ildə SSRi yığmasının tərkibində Seul Olimpiadasının, 1996-cı ildə isə Rusiya yığmasının heyətində Atlanta Olimpiadasının çempionu olub. Məmmədov Bakıda anadan olub. Qılıncoynatma ilə da məhz Bakıda məşğul olmağa başlayıb və SSRİ yığmasının heyətinə cəlb edilib. Onun məşqçisi isə atası Yaşar Məmmədov olub. Məmmədov hazırda Azərbaycan Qılıncoynatma Federasiyasının vitse-prezidentidir. Oğlu İlqar Məmmədov karyerasını bitirdikdən sonra Rusiyada işləməyə başlayıb və hazırda bu ölkənin qılıncoynatma yığmasının baş məşqçisidir. Rio-de-Janeyroda keçirilən olimpiya oyunlarında İlqar Məmmədovun yetirmələri Rusiyaya iki qızıl medal qazandırıblar. Məmmədov Rusiyanın yüksək dövlət mükafatlarına layiq görülüb.

Göründüyü kimi, Azərbaycanın qılıncoynatma üzrə yüksək səviyyəli mütəxəssisləri var. Ancaq onların imkanlarından yararlanıb bu idman sahəsini inkişaf etdirmək kimsəni qayğılandırmır.

Nazim İbrahimov özü istəmişdi

Azərbaycan Qılıncoynatma Federasiyasının prezidenti yüksək Xarici Ölkələrdə Yaşayan Azərbaycanlılarla İş üzrə Dövlət Komitəsinin sədri Nazim İbrahimovdur. İbrahimov bu vəzifəni 2007-ci ildən tutur. Özü də öz təşəbbüsü ilə. 2007-ci ildə Nazim İbrahimovun təqdimat mərasimində gənclər və idman naziri Azad Rəhimov belə demişdi: "Uzun zamandır Qılıncoynatma Federasiyasına yardım göstərən şəxs axtarılır, bir çox adama nazirlik özü bunu təklif edirdi. Lakin heç kim bu sahəyə yardım göstərmək üçün təşəbbüs etmədi. Bu yaxınlarda Nazim İbrahimov özü qılıncoynatma sahəsinə yardım göstərmək istəyini bildirdi. Biz bu barədə dövlət başçısına məruzə etdik və o, bu təşəbbüsə yüksək dəstək verdi”.

Prezident vitse-prezidentlə görüşə gəlməyib

Ancaq Nazim İbrahimovun Azərbaycanda qılıncoynatmanın inkişafı ilə bağlı hansı işlər gördüyü haqda məlumat yoxdur. Bu da federasiyada vitse-prezident kimi çalışan Yaşar Məmmədovu qane etmir. Məmmədov mətbuata verdiyi açıqlamada qılıncoynatmadakı durumun ağır olduğunu, Nazim İbrahimovun bu idman növünün inkişafına pul ayırmadığını bildirib. Mütəxəssis deyib ki, 17 aydır məvacib almırlar. O, bu yaxınlarda komitə sədri ilə görüş təyin edildiyini, ancaq İbrahimovun görüşə gəlmədiyini də bildirib:

"Komitə sədri ilə bu ayın əvvəlində görüş olmalıydı. Ancaq həmin görüşə müavinini göndərdi. Müavinlə nə müzakirə edə bilərik? 17 aydır maaş verilmir. Kim bunu mənimlə müzakirə edə bilər? Seçki keçirəcəyik. Əgər hazırkı federasiya prezidenti maaşları ödəsə, onun da adını namizədlər arasına daxil edərik. Onun müavini ilə görüşdə iki il əvvələ aid bir məktub göstərdim. Həmin məktubda maaşların 6 aydır verilməməsilə bağlı 41 şəxsin imzası var idi. Həmin 41 nəfərdən 2-si artıq rəhmətə gedib. 11-i isə ölkə xaricinə yollanıb, orda yaşayır. Müavinlə görüşdə soruşdum: "Federasiyanı belə dağıtmaq istəyirsiz?””

Y. Məmmədov bildirdi ki, bu yaxınlarda iclas olacaq. Onun sözlərinə görə, İbrahimov məşqçilərlə fərdi şəkildə görüşərək, onlardan özünə dəstək istəyib: "İclas oktyabrın 22-dək baş tutmalıdı. Həmin tədbirə bütün mətbuat nümayəndələrini dəvət edəcəyik və mövzu ilə bağlı ətraflı məlumat verəcəyik. Hazırda İbrahimov məşqçilərlə fərdi görüşlər keçirib, xahiş edir ki, seçkidə onu dəstəkləsinlər. Ancaq heç kim onu dəstəkləməyəcək”.

Məmmədov bildirdi ki, idman növünə istənilən səviyyədə qayğı göstərilsə, nəticə də olacaq: "Azərbaycanda qılıncoynatma idman növünün ənənəsi var. Ötən il Bakıda keçirilən ilk Avropa oyunlarında iki medal verdik. Əslində, bu idman növündə yaxşı nəticələr əldə etmək olar. Ancaq ilyarımdı maaş verilməyən yerdə hansı nəticədən danışmaq olar? Federasiyada yaxşı prezident olsa, maaşlar vaxtlı-vaxtında verilsə, şərait yaradılsa, yaxşı da nəticə olar”.

Məsələyə münasibət öyrənmək üçün Xarici Ölkələrdə Yaşayan Azərbaycanlılarla İş üzrə Dövlət Komitəsi ilə əlaqə saxlanılıb. Komitədən bildirilib ki, onlar yalnız quruma aid məsələlərə münasibət bildirə bilərlər.

Komitə sədrinin münasibətini öyrənmək mümkün olmadığından bir sual açıq qalır: Azərbaycanın qılıncı qınından çıxacaqmı? Yoxsa, ümumiyyətlə, qılıncın qından çıxması heç kimə sərf etmir.