Qazi ata, şəhid oğul haqda Kəşfiyyatçılar filmi çəkiləcək

Prezidentin sosial şəbəkə hesablarında Dövlət Suverenliyi Günü ilə bağlı videoçarx paylaşılıb - Video

Azərbaycanda Dövlət Suverenliyi Günüdür

Azərbaycan lideri xanımı ilə ziyarətgahda - Fotolar

İlham Əliyev TDT TŞ rəhbərlərini qəbul etdi

İlham Əliyev açılışda iştirak edib - FOTOLAR

Süni intellektin tətbiqi genişləndirilməlidir - İlham Əliyev

Prezident icra başçısını vəzifədən AZAD ETDİ

Prezident Hakan Fidanı qəbul etdi - Foto

Qazi ata, şəhid oğul haqda Kəşfiyyatçılar filmi çəkiləcək

Medeniyyet

Oxunub: 672

4 fev 2022 | 13:57

ATESH.Az saytının verdiyi məlumata əsasən;
Azərbaycan Respublikasının Prezidenti yanında Qeyri Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçiriləcək “Kəşfiyyatçılar” filminin çəkilməsi adlı layihənin icrasını “Vətənpərvərləri” Maarifləndirilməsi İctimai Birliyi həyata keçirəcək. Layihədə əsasən ata və oğulların döyüş yolu işıqlandırılacaq. 2020-ci ilin iyul ayında başlayan Tovuz döyüşləri zamanı və bundan sonra Azərbaycanın bütün rayon, şəhər və kəndlərində Səfərbərlik və Hərbi Xidmətə Çağırış üzrə Dövlət Xidmətinin şöbələrinin qarşısında izdiham var idi. Qəlbləri vətən sevgisi ilə döyünən igidlər erməni işğalçılarına layiqli və birdəfəlik cavab vermək üçün könüllü olaraq ordu sıralarına yazılırdı. Bunların sırasında filmin qəhramanı 20 yaşlı Mirağa Əliyev də var idi. Mirağa artıq bilirdi ki, müharibə nə deməkdir. Kinolardan, kitablardan yox, atası Musanın söhbətlərindən.
Atası Musa Əliyev Birinci Qarabağ müharibəsində könüllü olaraq kəşfiyyat tağımında döyüşmüşdü, bir çox əməliyyatlarda iştirak etmişdi və nəticədə qazi adını qazanmışdı. 21 sentyabr 2020-ci ildə bir neçə günlük hərbi təlim toplantısına çağırılan Mirağa Əliyev də 27 sentyabr 2020-ci ildən başlayan Vətən Müharibəsində ilk gündən baş kəşfiyyatçı olaraq ön cəbhədə kəşfiyyatçı tağımında vuruşurdu. Füzulinin və Cəbrayılın alınmasında böyük şücaətləri olub. Füzulinin və Cəbrayılın keçilməz yollarını, erməninin keçilməz postlarını qəhrəmanlıqla keçiblər. Düşmənin arxa cəbhəsinə dəfələrlə keçərək mühüm məlumatlar əldə etmişdir. Döyüş yoldaşlarını mühasirədən xilas etmişdir. Füzuli və Cəbrayıl uğrunda gedən döyüşlərdə hər iki ayağından qəlpə yarası alsa da, döyüşə davam etmişdir. Çoxlu canlı erməni qüvvələrini məhv etmişdir. Füzulinin və Cəbrayılın azad edilməsi uğrunda gedən döyüşlərdə vuruşmuşdur. O, 29 sentyabr 2020-ci ildə Cəbrayılın azad edilməsi uğrunda gedən döyüşlərdə döyüş tapşırığını yerinə yetirərkən snayperlə açılan atəş nəticəsində ürəyindən vurularaq şəhid olmuşdur.
30 sentyabr 2020-ci ildə doğulduğu Ağcabədi rayonunun Xocavənd kəndində torpağa tapşırılmışdır. Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Mirağa Əliyev ölümündən sonra "Vətən uğrunda" və "Füzulinin azad olunmasına görə" medalları ilə təltif edilib.
Mirağa Əliyev evin tək oğlu idi.
Layihənin icra müddəti 3 aydır. Mirağanımn və Musanın döulub böyüdükləri Ağcabədi rayonun Xocavənd kəndində “Kəşfiyyatçılar” filmin təqdimat tədbiri keçiriləcək, filmə aid diskləe iştirakçılara paylanılacaqdır. Artıq layihə rəhbəri ilə Dövlət Dəstəyi Agentliyi arasında müqavilə imzalanıb layihəyə start verilib. Əmək müqavilələri bağlanmışdır. Filmin icrası üçün hazırlıq işlərinə başlanılmışdır.
Layihənin uğurla həyata keçiriləcəyinə əminik.
“Vətənpərvərləri” Maarifləndirmə İctimai Birliyinin sədri,
layihə rəhbəri Q. Növruzov.
ATESH,AZ