Müğənni Şəbnəm Tovuzlu səhhətindən danışıb.
“Ölkə.Az”ın əməkdaşı ilə söhbətində o, hazırda hamiləliyinin ilk dövrünü keçirdiyini və özünü normal hiss etdiyini bildirib.

“Hazırda özümü yaxşı hiss edirəm. Dünən həkim qəbulunda idim, müəyyən müayinələrdən keçdim, mənim və körpənin sağlamlığında heç bir problem yoxdur”,- deyə o, bildirib.

Müğənni uşağın cinsiyyətinin hələ məlum olmadığını da deyib.

“Bu haqda danışmaq hələ ki, tezdir. Müəyyən bir müddət keçəndən sonra uşağın cinsiyyəti bəlli olacaq. Arzum daha bir oğul anası olmaqdır. İnşallah, qismət”.

Əməkdaşımızın “Övladınıza ad düşünmüsünüz? “ sualına ifaçı belə cavab verib.

“Bu barədə danışmaq hələ tezdir. İnşallah bir müddət keçsin, uşağın cinsiyyəti bəlli olduqdan sonra, bu barədə düşünəcəyik”,- deyə o, bildirib.