Tabutla etdiyi rəqslə sosial mediada məşhurluq qazanan afrikalı Benjamin Aido özü haqqında maraqlı açıqlamalar verib.
Son günlərdə sosial mediada videoları yayılan və fenomenə çevrilən rəqqaslar futbola olan maraqlarından danışıblar. İspaniya radiosunda qonaq olan Benjamin Aido ''Lionel Messinin pərəstişkarıyam. Oyun tərzini çox bəyənirəm. Üstəlik eqoist oyunçu deyil. Futbolu çox sevirəm. Çünki hobbilərimdən biridir. Son bir ayda milyonlarla insan tərəfindən izlənən tabutla rəqs videoları haqqında isə onu deyə bilərəm ki, biz ölümü qeyd etməliyik. Həmin insanın həyatı boyu qoyub getdiyi xoş xatirələri xatırlayıb, bayram etməliyik'' sözlərini deyib.

Qeyd edək ki, Afrikada Qana adət ənənələrinə görə yasda ağlamaq əvəzinə tabutla rəqs edərək, ölünün yaxınları bunu bayram edərək qeyd edirlər.