Türkiyənin Ege Universitetinin rektoru Dr. Necdet Budak yazılı açıqlamasında xəstəxanadakı koronavirus (Kovid-19) xəstələrinin müalicəsi və nəzarətinin çox dəqiqliklə aparıldığını bildirib.
Reanimasiyada müalicə alan xəstələrinin sayının gündən-günə azaldığına diqqət çəkən rektor bunları söyləyib:

“Ümumdünya Səhiyyə Təşkilatı xəstəliyin müalicəsində plazma müalicəsini tövsiyə edir. Bu üsulla sağalmış xəstələrin qan plazması ağır xəstəliyi olan xəstələrin müalicəsində istifadə olunacaq. Universitetimizin qan mərkəzi immun plazma qəbulu üçün hazırlanıb. Koronavirusdan şəfa tapmış xəstələrimizi xəstəxanamızın qan mərkəzinə plazma verməyə dəvət edirəm. Səhiyyə Nazirliyi ilə lazımi görüşlər keçirilib. Artıq Tibb fakültəmizin xəstəxanası immun plazmailə xəstələri müalicəsinə hazırdır”.