Selfi ilə qan təzyiqini ölçmək mümkün olacaq.
“Ölkə.Az” xarici mediaya istinadən xəbər verir ki, Toronto Universitetinin mütəxəsislərinin həyata keçirdiyi araşdırmalar nəticəsində selfi vasitəsi ilə qan təzyiqini ölçməyin yolu müəyyən olunub.
Belə ki, selfi video vasitəsi ilə “transdermal optik görüntüləmə” xüsusi aparat hazırlanıb. Bu texnoloji aparat vasitəsi ilə təcrübə zamanı qan təzyiqi yoxlanılan 95 faiz insanda doğru cavab göstərib. Odur ki, bundan sonra qan təzyiqini ölçdürmək üçün həkimə, xəstəxanaya və ya aptekə müraciət etməyə ehtiyac qalmayacaq. Bu selfi videolar vasitəsi ilə mümkün olacaq. Ağıllı telefonlardakı optik sensorlar vasitəsi ilə hər bir şəxs öz qan təzyiqini ölçə biləcək.