Hər bir qadın gözəl olmaq istəyir. Bəzən isə bu istəyə artıq çəki problem yaradır.

Söz açdığımız kokteyl ilə siz 10-15 gün içində ideal çəkinizə düşə bilərsiniz. Dietoloqların tövsiyyəsi ilə ispanaq kokteyli ilə tez bir zamanda artıq piylərinizdən yaxa qurtara bilərsiniz.

“Ölkə.Az” xəbər verir ki, həkimlər bu qarışımı əsasən qarın və bel nahiyyəsində daha artıq piylənməyə məruz qalan insanlara tövsiyyə edir.
Bunun üçün lazım olan ərzaqlar bunlardır:

1 ovuc ispanaq;

1 ədəd kivi;

1 ədəd xiyar;

1 xörək qaşığı yulaf kəpəyi;

1 çay qaşığı kətan toxumu;

Yarım çay qaşığı zəncəfil;
2 xörək qaşığı qatıq;

1 stəkan su;

Ərzaqların hamısını blenderdə qarışdırın. Bu kokteyli günorta və ya axşam qidasının əvəzinə istifadə edin. 1 həftə boyunca bu qarışımla şam və ya nahar yeməyini əvəzləsəz, tez bir zamanda çəki atdığınızın şahidi olacaqsınız.

Bundan əlavə şaftali, ananas və bananı soyuducuda dondurun. Meyvələri yaxşıca blenderdə əzib qatıqla qarışdırıb, özünüzə sağlam və təbii dondurma hazırlaya bilərsiniz.

Dietoloqların bildirdiyinə görə, arıqlayan insanlar kolbasa, sosiska kimi ət məhsullarından da uzaq olmalıdır. Mütləq səhər yeməyi yeməyi də tövsiyyə edirlər.

Hər zaman sağlam olun!