Kolumbiyalı müğənni Şakira vergidən yayınma halına görə dindirilməyə dəvət olunduğu İspaniya məhkəməsinin binası qarşısında fotoqrafların obyektivinə tuş gəlməmək üçün xüsusi varianta əl atıb.

“Report” “The Guardian” nəşrinə istinadən xəbər verir ki, paparatsilər sübh tezdəndən bina qarşısında keşik çəksələr də, nəticədə məhkəmə binası önünə müğənni yox, onun bənzəri çıxıb.

Bina qarşısında qarışıqlıq yarandığı vaxt isə, həqiqi Şakira xidməti girişdən sakitcə içəri daxil olub. Odur ki, hakim qarşısına müğənninin “surəti” deyil, “əsli” çıxıb. 42 yaşlı ulduz borcunun olduğunu etiraf edib və istintaqla əməkdaşlıq edəcəyinə söz verib.