Bakının “Şamaxinka” adlanan ərazisində minik avtomobilnin sürücüsü ilə 65 saylı avtobus sürücüsü arasında dava olub.
Bu barədə məşhur teleaparıcı Firuzə Cəlilova İnstaqram səhifəsində məlumat verib. O, hadisəni videoya çəkərək izləyicilərinin diqqətinə çatdırıb.

Aparıcı yayımladığı videogörüntünü belə şərh edib:

"Bu gün Saat 20:30 radələrində Şamaxinka deyilən ərazidə 90 KH 748 DQ dövlət nömrə nişanlı nəqliyyat vasitəsinin sürücüsü ilə 10 TH 343 DQ dövlət nömrə nişanlı 65 saylı avtobusunun sürücü arasında insident baş vermişdi. Minik avtomobilinin sahibi avtobus sürücüsünü yol verməməkdə ittiham edərək, soyuq silahla (bıçaqla) üstünə hücum edərək, ölümlə hədələdiyinin, təhqir edici sözlərdən istifadə edərək, cəmiyyət içərisində avtobus sürücüsünün şərəf və ləyaqətini alçatmasının şahidi oldum”.

Aparıcı onu da qeyd edib ki, avtobus sürücüsünə dəstək olaraq “Bakubus” şirkətinə aid olan avtobusun sürücü kömək məqsədlə yaxınlaşıb münaqişənin sülh yolu ilə həll olunmasına cəhd göstərməsinə baxmayaraq, həmin minik maşının sürücüsü tərəfindən təhqir olunub. Hətta minik avtomobilinin sürücüsü ona fiziki təzyiq də göstərib. Daha sonra o, avtomobilin baqajından avtobus sürücüsünün başına ağır zərbə endrtmək üçün yanğınsöndürmə balonu götürüb. Lakin ətrafdakı insanların məsələyə vaxtında müdaxiləsi təhlükəni sovuşdurub. Bununla da ürəyi soyumayan davakar şəxs avtobus sürücüsünün köynəyini cıraraq, onu təhqir edib.
Fira bu gəncin cəmiyyət üçün təhlükəli olduğunu bildirərək, müvafiq orqanlardan xahiş edib ki, bu barədə tezliklə tədbir görülsün.