Hadisə bu gün günorta saatlarında Şirvan şəhərində baş verib

Şirvanda Saatlı rayonundan olan tanınmış �Qardaşlar qrupu�-nun bir üzvünü avtomobil vuraraq öldürüb.
Hadisə bu gün günorta saatlarında Şirvan şəhəri, Heydər Əliyev prospektində baş verib.
Bu günə Şirvan şəhərinin �Yeganə� şadlıq sarayında təyin olunan toy mərasimində iştirakı planlaşdırılan qrupun üzvlərindən biri- nağara ifaçısı 1967-ci il təvəllüdlü Mirzəyev Rəfayıl Əliheydər oğlu yolu keçərkən avtomobil vurub.
Rəfayıl Mirzəyev aldığı xəsarətlərdən hadisə yerində dünyasını dəyişib. Qrup baş vermiş faciə ilə əlaqədar şadlıq sarayında nəzərdə tutulan toy mərasimində iştirakdan imtina edərək oranı tərk edib.

Şirvan sakini, T.İsmayılov küçəsi 26 ünvanında yaşayan 1995-ci il təvəllüdlü Həsənli Pərviz Taleh oğlu idarə etdiyi "Mercedes" markalı 90 LK 322 dövlət nömrə nişanlı avtomobillə Mirzəyev Rafayıl Əliheydər oğlunu vurub.

Sürücü istintaqa cəlb edilib.

Faktla bağlı Şirvan polis şöbəsində cinayət işi açılıb, araşdırma aparılır.