“Yalnız olmaq bir sevgilinin yanında özünü yalnız hiss etməkdən daha yaxşıdır”.

Publika.az xəbər verir ki, bu sözləri hind rəqslərinin mahir ifaçısı və tanınmış aktrisa Oksana Rəsulova instaqramda yazıb.

Son günlərdə instaqramda paylaşdığı tikanlı sitatları ilə diqqət çəkən artistin bu sözləri həyat yoldaşına ünvanladığı iddia olunur. Ulduz bir neçə gün əvvəl isə görkəmli şair Füzulinin insan tənhalığı haqqında aşağıdakı aforizmini paylaşmışdı:

“Simurq quşu kimi tənhalığa vərdiş et! Elə hərəkət et ki, adın həmişə dillərdə gəzsin, amma səni görmək imkansız olsun”.

Minval.info xatırladır ki, Oksana Rəsulovanın reper Elşad Xosedən qalmaqallı şəkildə ayrıldıqdan bir müddət sonra yeni sevgilisindən hamilə qaldığı deyilirdi. Bu isə şou-biznesin gündəm mövzularından birinə çevrilmişdi. Ardınca isə dünyaya gələcək körpəsinin atası ilə ailə qurduğu söylənilirdi.