"Facebook" irqçi mövqedə olan və ya etnik və dini qruplara qarşı pis fikirlər irəli sürən hesabların ən yaxın zamanda bağlanacağını haqqında yazılı açıqlama verib.
Türkiyə mediasına istinadən xəbər verir ki, "Facebook" sosial şəbəkəsi "zorakılığa və nifrətə qarşı yönələn fərd və təşkilatların hesablarını təhlükə mənbəyi kimi hesab etdiyimiz üçün hər zaman qadağan edirik" açıqlamasını verib.

Bloklanan hesabların daxilində sui-qəsd nəzəriyyələri ilə tanınan amerikalı internet və radio proqramçısı Aleks Consa, ABŞ-da həddindən çox sağçı Milo Yiannopoulos və Laura Loomerə, "İslam milləti" adlı qara hərəkatın lideri Louis Farrakhana aid hesabların da olduğu açıqlanıb.
Başqa tərəfdən, "Facebook" hesabların blok edilməsi qərarını insan haqları təşkilatları və fəalları məmnuniyyətlə qarşılayıb.
Bir çox hesabların sosial media üzərindən zorakılığı və nifrəti təbliğ etdiyini deyən insan haqları təşkilatları uzun zamandır "Facebook" başda olmaqla bütün sosial media platformalarına lazımi tədbirlərin görülməsi üçün bildirişlər verirdi.