Xalqımıza məxsus musiqimizmilli folklorumuzu təmsil edən ayrı-ayrı bəstəkarlar tərəfindən yaradılıb və bu sahə mədəniyyətimizin bir qolu olub. Ümumiyyətlə, Azərbaycan musiqisinin çoxəsrlik tarixi inkişaf yolları olub ki, bunun da kökləri əsrlərin dərinliklərinə gedib çıxır. Adicə bir faktı qeyd edək ki, çox qədim zamanlardan Qobustanda qayaüstü rəsmlərdən (yallı-rəqs) – başlayaraq, Azərbaycandamelodiya və ritm zənginliyi ilə fərqlənən çoxlu sayda mahnılar, müxtəlif rəqslər, çobanların tütəkdə ifa etdikləri havalar səslənmişdir. Bu da bir daha xalqımıza məxsus musiqimizin olduqca zəngin olmasını sübut edən faktorların varlığıdır.

Bəli, bu gün də bu irsi yaşadan, Azərbaycan musiqisinə "qol-qanad verən” elə gənc istedad sahibləri var ki, onların ifa etdikləri mahnıları dinlədikcə, sanki xəyallara dalırsan. Belə bir istedad sahiblərindən biri də, 17 dekabr 1995-ci ildə Ağdam rayonunun Abdal-Gülablı kəndində anadan olmuş Əsgərzadə Əsgər Köçəri oğludur. Hal-hazırda o, rayonun Quzanlı-689 yaşayış məntəqəsi, ev-26 ünvanda yaşayır. Adı çəkilən bu şəxs, bir neçə gün bundan öncə "Amerika Muğam Cəmiyyəti”nin sədri cənab Jefrey Verbockınin dəvəti ilə ABŞ-na gedir və 6 oktyabr 2018-ci il tarixdə, bu ölkənin Pensilvaniya ştatının Rotum Universitetində, daha sonra isə Filadelfiya ştatında keçirilən konsert proqramında iştirak edir. Onu da bildirək ki, konsert proqramında yalnız hər iki şəxs iştirak edir və Əsgər Əsgərzadənin vizasının əldə olunması və digər xərcləri Jefrey Verbocki tərəfindən ödənilir.

Xüsusi vurğulanası hal odur ki, bu gün 23 yaş həddində olan Əsgər Əsgərzadənin istedadı, dünyanın ən nəhəng dövlətlərindən biri olan ABŞ-ın aparıcı təhsil müəssisəsinin auditoriyalarında səslənir, Azərbaycan musiqisi təbliğ olunur. Atılan belə bir addım, sözün həqiqi mənasında xalqımıza və dövlətimizə uğur gətirən addımdır ki, biz bu gəncin uğuru ilə öyünməli və iftixar hissi də keçirməliyik.