Bloqqer Hüseyn Əzizoğlunun "Maşın” şoudan əməkdar artist Abbas Bağırovu uzaqlaşdırması sosial şəbəkələrdə müzakirələrə səbəb olub.

AZXEBER.COM xəbər verir ki, dünən "Maşın" şouda baş verənlər sosial şəbəkə izləyiciləri tərəfindən birmənalı qarşılanmayıb.

İzləyicilərin əksəriyyəti bloqqerin bu addımını qınayıb, onu təhqir ediblər. Hüseyni qinayanlar arasında şounu tərk edən iştirakçıları ilə yanaşı digər şou-biznes nümayəndələri də var. Onların olanlar haqda yazdıqlarını təqdim edirik:

Müğənni Natavan Həbibi Hüseyni satqın adlandırıb:
"İyrənc və şərəfsiz bir oyun idi. Kişi və ya qadın, fərqi yoxdur. İnsan olduğunu unutmaq olmaz. Dəyərlər şərtlərə görə dəyişməməlidir. Bu dərəcədə satqınlıq, bu yaşda! Aldanan tamaşaçı oldu. Əminəm, elə tamaşaçı da öz cavabını verəcək. Oyunu quranlar da, oynadanlar da uduzdu. Şounun nəticəsindən asılı olmayaraq yaddaşlarda bu günün çirkin oyunu qaldı”.

Murad Arif də Hüseynin ünvanına tənqid yazanlardan olub:

"Heç biri ilə tanış deyiləm. Bu oğlan çox eybəcər söhbətlər edir. Pərvinin dostu kimdir, imkanı nədir… Kİmə nə? Pərvin daha mərdanə danışır”.

Bir neçə gün əvvəl "Maşın”dan gedən Rahidə Baxışova da Abbasın tərəfini saxlayıb:

"Can Abbas, dünən mənim ürəyim gəlmədi sənə bunu edim. Sənə isə hörmətim artdı”.

"Maşın”ın 16-cı buraxılışının iştirakçılarından olan Günel Hümbətova da Əzizoğlunun addımını yanlış hesab edib:

"Belə cır oğul yetişdirənlərin halına çox acıyıram. Təəssüf ki, sayları az deyil”.

Aktrisa Çimnaz Sultanova isə hələ də hadisənin şokundan ayılmadığını bildirib:

"Dəhşət... Adam heç söz tapa bilmir. Hələ də şokdayam. Bu, çox ədalətsiz idi. Arxadan zərbə... Kişilikdən deyil. Heç qadınlıqdan da deyil”.

Hüseynin müğənni Roza Zərgərliyə ana, Abbasa isə ata deməyi sosial şəbəkədə müzakirələrə səbəb olan mövzulardan olub. Hətta izləyicilər Abbas, Hüseyn və Rozanın fotosuna müxtəlif kollajlar düzəldiblər.