Şou-biznesdə qadın maklerləri, aşıq Tellinin Məcnunu, Tünzalənin transparanı

Prezident İlham Əliyev Qarabağda möhtəşəm tunelin açılışını etdi: qürurverici GÖRÜNTÜLƏR

Prezident İlham Əliyev Əhmədbəyli-Füzuli-Şuşa avtomobil yolunda görülən işlərlə tanış olub

Prezidentdən Heydər Əliyevlə bağlı paylaşım

Ümummilli Lider Heydər Əliyevin anadan olmasının 101-ci ildönümüdür

İlham Əliyev və Mehriban Əliyeva Həzi Aslanovun məzarını ziyarət ediblər

Prezident onları təltif etdi - FOTO

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Əliyev - Putin görüşməsinə dair yeni və heyrətamiz görüntülər - Rusiya mediası İNDİ YAYDI - VİDEO

Şou-biznesdə qadın maklerləri, aşıq Tellinin Məcnunu, Tünzalənin transparanı - HƏFTƏBECƏR

Medeniyyet

Oxunub: 1 076

5 fev 2018 | 10:10

Şou-biznesdə qadın maklerləri, aşıq Tellinin Məcnunu, Tünzalənin transparanı - HƏFTƏBECƏR

Milli.Az jurnalist İntiqam Valehoğlunun müəllif layihəsi olan "Həftəbecər"i (157-ci say) təqdim edir.

Son yazılarda bəzi oxucular fotonun "yay rejimində" olduğuna irad bildirirlər. Sözün açığı, havalar isti keçdiyinə görə fotonu dəyişmək istəmədim. Həm də gələn ay yaz gəlir. Elə bir ayı da bu qısaqolla yola verə bilsək, əladı.

Tolik Nazpərinin başına tac qoyub. Bu tac söhbəti də böyüyüb, yekəlib, şişib və gəlib həcilərə qədər çatıb. Nadir Qafarzadə Toliki həcilərə, vəzifəli şəxslərə qadın daşımaqda ittiham edib. Daha doğrusu, ad çəkməyib, amma, saytlar həmin paylaşımı belə yozublar. İndi mən Nəsibə xanım demiş, imanımı yandırıb Tolikin, yoxsa Nadirin haqlı olduğunu deyə bilmərəm. Ancaq bu faktdır ki, şou-biznes adlandırdığımız bataqlığın bir hissəsi qadın alverinin qurbanıdır, bir qismi qadın alverçisidir, hələ aralarında maklerlik edənləri də var. Mən evin, bağ evinin, avtomobilin maklerini görmüşdüm, amma belə maklerliyi də indi gördüm.

Aşıq Telli verilişlərin birində sevgidən danışıb. Daha doğrusu. sevgiyə inanmadığını deyib:

"Mən elə şeylərə inanmıram. O adam mənim sənətimi qəbul etməlidir. İndi o "Leyli-Məcnun", "Əsli-Kərəm" sevgisi də yoxdur. Bu sevgilər təxəyyüldür, sadəcə. Sevdim, öldüm... Mən belə şeylərə inanmıram. Məcnunun başında quşlar yuva salıb, filan. Elə şeylər yoxdur".

Kimin nə zaman, hansı yaşda ailə qurması şəxsi işidir. Amma camaat 49 yaşda nəvə sevgisinə hazırlaşır, hətta o yaşda bu sevgini dadanlar da olur. Bu isə deyir ki, sənətimi qəbul etməlidir. Hansı sənəti? Əgər dingildəmək sənətdirsə, bu başqa məsələ. Amma sırf saz ifaçılığından söhbət gedirsə, Telli min aşıqdan doqquz yüzüncüsüdür.

Tolik efirdə deyib ki, müğənni Xatunun əsl adı Nərgizdir. Bu açıqlama əkiz müğənnilər Sevil və Sevincin təəccübünə səbəb olub: "Doğrudan?"
Əslində bu normal haldır. Yəni səhnə adamlarının yaddaqalan adlara müraciət etməsini deyirəm. Amma Tolikin hansı adı dediyini eşitməsən, əkizlərin verdiyi reaksiyadan elə bilərdin ki, Xatunun əsl adı Tofiqdi, ya da Məmmədxan.

Aparıcı Nəsib Nur yenə arıqlayıb. Məşhur lətifədə deyildiyi kimi, qardaş deyəsən yavaş-yavaş aradan çıxır.

Xalq artisti Yalçın Rzazadə gənc ifaçıları tənqid edib. Deyib ki, sənət yoxdur, hamısı atlanır-düşür. Haqlıdır. Hamısı olmasa da, böyük əksəriyyəti belə edir. Bunun da adı olur şou göstərmək. Əgər Yalçın Rzazadə də dilə gəlibsə, deməli, vəziyyət doğrudan da təhlükəlidir. Ola bilər ki, kimsə atlandı, amma düşmək yadından çıxdı.

Tünzalə Ağayeva peşəkar səhnəyə gələndə 25 yaşı var idi. Baş örtüyü, qapalı geyimlər və ard-arda hit mahnılar. Təbii ki, qısa müddət ərzində qazanılan populyarlıq da məhz bu ifaların sayəsindəydi. Son vaxtlar mahnı yoxdur, tovuzlular demiş, eləcənə soyunur. İki gün əvvəl transparan geyimdə fotosunu paylaşıb. Sosial şəbəkə istifadəçiləri də başlayıb tənqid etməyə. Hər halda 25 yaşda bunu etsəydi, qınanmayacaqdı. Amma 42 yaşda bunu etmək təbii ki, qınaq obyektinə çevrilməliydi.

27 il sonra "Bəxt üzüyü" filminin ikinci hissəsi çəkilib. Özü də filmin yaradıcısı, rejissoru Ramiz Əzizbəylidən xəbərsiz. Amma filmin bəzi qəhrəmanları, məsələn, Ayşad Məmmədov (Hüseyn) bu ekran işində çəkilməkdən imtina edib. Düşünürəm ki, peşəkar aktyorun KVN oynamaması tamamilə doğrudur. Belə getsə, bunlar "Axırıncı aşırım"ın, "Arxadan vurulan zərbə"nin, "Yeddi oğul istərəm"in də ikinci hissəsini çəkərlər. Əsas puldur.