Bakıda qorxmadan öpüşmək üçün münasib yerlər

Ümummilli Lider Heydər Əliyevin anadan olmasının 101-ci ildönümüdür

İlham Əliyev və Mehriban Əliyeva Həzi Aslanovun məzarını ziyarət ediblər

Prezident onları təltif etdi - FOTO

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Əliyev - Putin görüşməsinə dair yeni və heyrətamiz görüntülər - Rusiya mediası İNDİ YAYDI - VİDEO

Entoni Blinken Prezident İlham Əliyevə zəng edib

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

Bakıda qorxmadan öpüşmək üçün münasib yerlər - FOTOlar

Maraqli

Oxunub: 1 710

19 dek 2017 | 10:50

Bakıda qorxmadan öpüşmək üçün münasib yerlər - FOTOlar

Gülməlidir?...

Təbii ki, sevgilisi olan insanların bu cür ehtiyaclar duymağı normaldır. Onlara metroda buna icazə yoxdur, bunu etsələr belə, kimlərsə videoya çəkəcək və üçüncü dərəcəli media saytlarının gündəminə oturacaqlar, yaxud ictimai yerlərdə asayişin pozulması iddiasıyla polislər ilişə bilərlər, ya da məhəllələrdə "panyatka" söhbətləri var, bir çox yerdə ana-bacı, arvad-uşaq var...
Yəni bu aktın reallaşdırılması, görünən odur ki, hardasa, mümkünsüzdür. Bəs bu insanlar bir-birilərinə sevgilərini necə ifadə etsinlər?

Bunu böyük bir problem hesab etmirik, amma sevgili olanları da başa düşürük.

Milli.Az kenquru.az-a istinadla öpüşmək üçün Bakıda münasib yerləri təqdim edir:

Qırmızıya alınmış yaşıllıq ərazi. İzmir küçəsini keçəndə Bakıxanov küçəsində yerləşən körpünün sağında təpəlik kimi yer.

Bu yerdə öpüşmək üçün bir qədər yuxarılara dırmanmalı olacaqsınız, amma problem yoxdur, sevgi hər şeyə qadirdir və sizi hər yerə dırmaşdıra bilər. Yolun qırağıdır deyə bilərsiniz, amma ağaclıqlar var və ayıq-sayıq sevgililər üçün kamuflyaj, maskalanma, gizlənmə elementlərini də bura əlavə etsək, artıq böyük bir problem yaratmaz. İkinci bir tərəfdən çəki baxımından hər hansı bir qanun keşiçsinin ora dırmaşması orta hesabla 1 dəqiqə 23 saniyə çəkir. Bu vaxt oradan buxarlanmağınız üçün sizə kifayətdir. Onu da qeyd edək ki, təpəliyin qarşı tərəfi birbaşa avtobus dayanacağına uzanır.

Koordinatlar: 40.386657, 49.827102
Real öpüşmə saatları: 17:00-18:00, 21:00 - 04:00.

Qeyd: Verilən koordinatları copy+paste edib Google Maps-də həmin yeri asanlıqla tapa bilərsiniz.

İnşaatçılarda Məhsul Stadionundakı ümumi tualetin yanında bisetka.

Bu stadionun mitinqlərdə şəkil çəkdirib xaricdə ev almaq kimi avantajları da var. Amma Bakı uşaqları üçün ən böyük avantaj axşam saatlarında yaşana biləcək ən maraqlı sevgi hekayələrinin yeri olmağıdır. Belə ki, orada axşam joggingi edən kök xalalar sizə heç gözünün ucu ilə də baxmayacaq. Onlar bir şeyə fokuslanıb: arıqlamaq, arıqlamaq, arıqlamaq!

Koordinatlar: 40.389982, 49.805315
Real öpüşmə saatları: 18:00 - 05:00

28 May-dan Türkiyə Səfirliyi istiqamətində uzanan Rəşid Behbudov küçəsinin sağındakı park.

Bura, ümumiyyətlə, tərk edilmiş, hətta Allah babanın unutduğu bir parkdır. Ara-sıra orda-burda oturan sevgililər görə bilərsiniz, amma hətta onlar da bu parkı unudublar. Siz də ora gedin, siz də orada ola-ola o parkı unudun, bu dünyanı unudun!

Koordinatlar: 40.387379, 49.840543
Real öpüşmə saatları: 07:00 - 09:00 (səhər ağzından iyi gəlməyən sevgililər üçün) və 19:00 - 04:00

"Nərimanov" metro stansiyasının yaxınlığındakı Bakımartın yerləşdiyi küçədəki park.

Bu parkda, demək olar ki, ancaq pişiklər olur. Onlar da sevişməklə məşğuldurlar. Gedib, məmnuniyyətlə, onların ittifaqına qoşula bilərsiniz.

Koordinatlar: 40.398975, 49.870148
Real öpüşmə saatları: 11:00-12:00, 21:00 - 04:00

"Dərnəgül" metrosu yaxınlığındakı dəmiryolunun kənarı.

Bura ara-sıra içib özünü itirən adamların səhvən gedib çıxdığı yerlərdəndir. Ərazidə dəmir yolu var və seyrək ağaclıqlar da mövcuddur. Bir az hündürlükdə yerləşir, amma çox deyil. Oturmağa, gəlib-gedən qatarlara, bir də zavodun uzaq ətraflarında işləyən narıncı paltarlı portağal ləkələrinə bənzər fəhlələrə tamaşa etməyə və ən əsası öpüşməyə uyğun yerdir.

Koordinatlar: 40.426332, 49.863350
Real öpüşmə saatları: İstlənilən zaman

Yeni Yasamalda Məhəmməd Xiyabani küçəsi, İpək Yolunun yaxınlığındakı park.

Bu park, əsasən, axşamlar kimsəsizləşir. Yaxınlıqdakı kafedən şakkaşak domino çırpan və pivə içib yüksək frekanslı qəh-qəhələr atan dayıların səsləri fonunda maraqlı öpüş atmosferi yaşaya bilərsiniz.

Koordinatlar: 40.394420, 49.789067
Real öpüşmə saatları: 19:00 - 04:00

Elmlər Akademiyasının Landau küçəsinə baxan həyəti.

Bura da maraqlı yerdir. Sıxıcı və köhnə, kağız qoxulu kabinetlərdə oturub aylıq maaşlarını gözləyən yaşlı alimlərin milli dəyərlər barədə düşüncələrinin elektrik enerjisi şəkilində ətrafı neqativləşdirdiyi həmin radiusda xoşbəxtlik hormonları saça bilərsiniz. İşdir, gəlib görsələr, elmi izahlar verməyə çalışın, məsələn, iki nəfər öpüşdüyü zaman orta hesabla 8 milyon bakteriya transferi gedir, bla, bla bla... Bu, sizin haqqınızdır!

Koordinatlar: 40.372684, 49.814032
Real öpüşmə saatları: 14:00 - 18:00 (hamının dərsdə olduğu vaxt), 21:00 - 04:00

Azneft Meydanı yaxınlığındakı İnturist Hotelinin arxasındakı təpəlik.

Bura mənzərəli yerdir. Buradan öpüşdükdən sonra maraqlı selfie də edib anı əbədiləşdirə bilərsiniz. Amma burada deyək ki, bir qədər ayıq-sayıq olun, ara-sıra maşınlar keçir.

Koordinatlar: 40.353909, 49.832113
Real öpüşmə vaxtları: Hər zaman

Ya da, ümumiyyətlə, şəhərin içində olmaq sizi sıxırsa: Xocasən Gölünün Qırağı

Bura isə bəşəriyyətlə əlaqəsini kəsmiş ölü ərazidir. Dünyayla əlaqənizi kəsib özünüzü Mars planetinin düzənliklərində hiss etmək üçün deyək ki, bu yer Yeni Yasamalın yaxınlığında yerləşir.

Koordinatlar: 40.400573, 49.782176
Real öpüşmə vaxtları: Hər zaman