Sabir Məşədizadə yerli telekanalların reytinqi barədə məqalə hazırlayıb

Sabir Məşədizadə yerli telekanalların reytinqi barədə məqalə hazırlayıb.

Ulus.Az Sabir Məşədizadənin şəxsi bloquna yerləşdirdiyi həmin məqaləni ixtisarla təqdim edir:

2017 Aprel: yerli və xarici kanalların izlənmə statistikası

"Şübhəsiz ki, bir çoxlarınız televiziya sahəsində, xüsusən də yerli televiziya kanalları haqqında dəqiq statistikanın olmamasından gileylənirsiniz.

Lakin indi əminliklə qeyd etmək olar ki, televiziya da Azərbaycanda dəqiq ölçülən mediaya çevirilməkdədir. Mən bu yazıda Aprel ayının nəticələrinə görə yerli televiziya xidmətləri operatorlarından birinin İPTV xidməti abunəçiləri arasında TV kanalların izlənmə saatlarını analiz etməyə çalışacam. Bu araşdırma Sizə nəinki yerli kanallar haqqında zəngin məlumat həm də ümumən Azərbaycanlı izləyicilərin davranışlarını anlamağa yardım edəcək.

İlk olaraq onu qeyd etmək istəyirəm ki, İPTV desək də bu əslində OTT TV xidmətidir. OTT (Over The Top) texnologiyası İPTV-də olduğu kimi, internet provayderə bağlı deyil və istənilən internet şəbəkəsində televiziya kanallarını izləmək imkanı verir. Bu da o deməkdir ki, xidmətdən dünyanın müxtəlif ölkələrində yaşayan Azərbaycanlılar istifadə edir. Lakin əlbəttə ki, onların 90%-dən çoxunu Azərbaycandakı abunəçilər təşkil edir.

Beləliklə, keçək Aprel ayının nəticələrinə.

İPTV xidmətimizdə 200 kanal yayımlanır. Əsas 3 kateqoriya ayırmışam: Azərbaycan kanalları, Rusdilli kanallar və Türkdilli kannalar.

Başlayaq doğma kanallarımızdan:

Azərbaycan telekanallarının reytinqi ilk dəfə açıqlandı

Yerli kanallardan ATV digərlərində nisbətən daha irəlidədir, (33258) saat. Ümumi 200 kanallıq siyahımızda ATV 2-ci, Xəzər TV isə 3-cü yeri tutsa da aralarında təxminən 12000 izlənmə saatı fərq var. Ümumi siyahıda 10-cu, yerli kanalların sırasında isə AZTV-nin 3-cü olması, və Aprel ayı 9062 saat izlənmə göstəricisinə malik olmasının bir-neçə səbəbi var ki, onları nəzərə almalıyıq. AZTV bizm PlayList-də də 1-ci olduğundan, xidmətə hər yeni qonuşalan abunəçiyə avtomatik bu telekanal açılır. Çox güman ki, elə bu səbəbdəndir ki, AZTV-ni göstəricisi bizi aldadır. Bunu nəzərə alaraq hesab edirəm ki, AZ TV-nin 10/3-cü yerinə haqqlı olaraq ümumi siyahıda 13, yerli kanallardan isə 4 cü gedərək,7496 izlənm saat ilə, ARB TV daha layiqlidir. Ardınca isə elə təxminən eyni göstərici ilə, (7448 izlənmə saatı) İdman Azərbcaycan gəlir və ümumi siyahıda 14-cü yeri tutur".