Ötən gün Kürdəmir Rayon Polis Şöbəsinə Axtaçı-Qarabucaq kənd sakini, 21 yaşlı Neman Budaqovun yaşadığı kəndin ərazisində, yolun kənarında naməlum şəxs tərəfindən odlu silahla qətlə yetirilməsi barədə məlumat daxil olub. Həyata keçirilən əməliyyat-axtarış tədbirləri nəticəsində müəyyən edilib ki, mərhum Neman Budaqov ilə onun həmkəndlisi, əvvəllər dost münasibətində olan 22 yaşlı Toğrul Bağırov arasında mübahisə yaranıb. Toğrul Bağırov onu söydüyünə görə Neman Budaqovu idarə etdiyi "VAZ 21 06" markalı avtomobilə əyləşdirərək, yaşadığı kəndin kənarına aparıb və avtomobilin yük yerində saxladığı ov tüfəngindən bir dəfə atəş açaraq onu qəsdən öldürüb.

Faktla bağlı rayon prokurorluğunda istintaq aparılır.

kepeztv.az