16 fevral 2015-ci il tarixində Zağatala royonun Muxax kəndində poçtun seyfini oğurlan cinayətkar dəstə saxlanılıb. Aparılan araşdırmalar zamanı məlum olub ki, oğurluq əməlini törədənlər rayonun Muxax kənd sakinləri 1993-cü il təvəllüdlü Əliyev Fəqan Əskər oğlu, 1992-ci il təvəllüdlü Rəcəbov Elnur İbrahim oğlu, 1993-cü il təvllüdlü Əhmədov Samir Fəxrəddin oğlu və 1990-cı il təvəllüdlü Həsənov Ramin Məmməd oğludur. Cinayət əməlini törədənlər poçt binasının pəncərəsinin dəmir barmaqlıqlarını çıxarıb və içəri daxil olublar. Daha sonra seyfi götürərək binanın giriş qapısını sındırıb və hadisə yerini tərk ediblər. Ancaq seyfdə pul və ya hər hansı sənəd olmayıb. Oğurladıqları seyf polis əməkdaşları tərəfindən maddi sübut kimi götürülüb. Fakt üzrə cibayət işi açılıb. Hazırda həmin şəxslərin istintaqı davam edir.
Qeyd edək ki, oxşar hadisə ötən ilin mart ayında rayonun Aşağı Tala kəndində qeydə alınıb. İçərisində 1000 manata yaxın pul olan seyfi oğurlayan cinayətkarların şəxsiyyətinin müəyyənləşdirilməsi indiyədək mümkün olmayıb.

kepeztv/az