Sabirabad rayon sakini, Əfqanıstan veteranı, 1-ci qrup əlil Teymur Həsənli, Saatlının Mustafabəyli kəndində bıçaqlanıb. Belə ki, əslən həmin kənddən olan Raziyyə Şəmmədova, Teymur Həsənlinin avtomobili ilə axşam saatlarında orada yaşayan qızıgilə gəlib. Teymur Həsənli onu küçədə avtomobilində gözləyib. Bu zaman bir nəfər ona yaxınlaşaraq, orada dayanmamağı tələb edib və ərazidən uzaqlaşıb. Az sonra isə həmin şəxs yenidən əraziyə qayıdıb və Teymur Həsənliyə hücum edərək bıçaqla xəsarətlər yetirib. Hadisəni törədən Mustafabəyli kənd sakini Behbud Şəmmədov polis tərəfindən saxlanılıb. O, əsəblərini cilovlaya bilmədiyini və hadisənin də təsadüfən baş verdiyini bildirib. Faktla bağlı araşdırma aparılır.

kepeztv.az