Evlənmək məqsədi ilə qız qaçırmaq istədi, amma planı baş tutmadı. Növbəti qızqaçırma hadisəsi Ucarda olub. Məktəbli qızı qaçıranlar artıq saxlanılıblar.

Ucar rayonunun Yuxarı Şilyan kənd sakini Əfsus Allahverdiyev həmyerlisi 16 yaşlı Minəxanım Mikayılovanı məktəbə gedərkən qaçırıb. Əfsus Allahveridiyev xalası oğlanları Rusif və Hüseyn Dadaşovlarla birlikdə 11-ci sinif şagirdi olan Minəxanımı onlara məxsus olan avtomobilə məcburi şəkildə mindirərək naməlum istiqamətə aparıblar.

Əfsuz Allahverdiyev saxlanılan şəxs:- Toy kasetinə baxırdım, gördüm xoşuma gəldi qız. Elçi göndərdik vermədilər. Mən də istədiyim üçün məcbur olub götürdüm qaçdım.
Qızının qaçırıldığını bilən ata Nizami Mikayılov dərhal DİN-nin 102 qaynar xəttinə və Ucar Rayon Polis Şöbəsinə məlumat verib. Onlar Ucar və Zərdab rayon polis şöbələrinin əmədaşları tərəfindən Zərdab rayonu istiqamətinə gedərkən saxlanılıblar.
Məsud Rəhimov baş müstəntiq: Həmin hadisə ilə əlaqədar Azərbaycan Respublikası Cinayət Məcəlləsinin adam oğurluğu maddəsi ilə 144.2.3 və 144.3-cü maddələri cinayət işi başlanılmışdı. Ucar rayon Məhkəməsinin qərarı ilə hər üç şəxsin barəsində 4 ay müddətində həbs qəti imkan tədbiri seçilib.

Məktəbli Minəxanım Mikayılovanı evlənmək məqsədi ilə qaçırdığını deyən Əfsuz Allahverdiyev törətdiyi əməldən peşmandır. Faktla bağlı Ucar Rayon Polis Şöbəsində istintaq davam edir.

kepeztv.az