Hadisədə bir qardaş ölüb, digəri isə ağır yaralanıb

Rusiyanın Tatarıstan Respublikasının Naberejnı Çelnı şəhərində əyləncə klubda dava salan azərbaycanlılar bir nəfər yerli sakini öldürüblər.
Məlumatına görə, yerli "KazanFirst" portalı yazır ki, hadisə gecə saat 5 radələrində baş verib. Klubda əylənən 7 nəfər Azərbaycan vətəndaşı ilə üç yerli sakin arasında dava düşüb. Yerli sakinlərdən ikisi qardaş olub.
Mühafizəçilər dava salanları çölə çıxarıblar. Çöldə davam edən davada azərbaycanlılardan biri bıçaq çıxaraq əsil qırğın törədib, üç nəfər yerli sakini bıçaqlayıb. Qardaşlardan biri hadisə yerində keçinib, yaralanmış iki nəfəri isə xəstəxanaya yerləşdiriblər.

Azərbaycanlılar isə şəhərin mərkəzində yerləşən Azadlıq meydanına tərəf qaçaraq, iki taksi ilə aradan çıxıblar. Hadisə yerində iri qan ləkələri qalıb.