ANS TV-nin məlumatına görə, qanlı hadisə paytaxtın Xəzər rayonu, Şüvəlan qəsəbəsində qeydə alınıb. Rayon polis idarəsindən verilən məlumata görə, Bakı şəhər sakini, 1987-ci il təvəllüdlü Tofiq Qədirov aralarında yaranan münaqişə zəminində bacısı, 25 yaşlı Ramiləni boğaraq öldürüb. Hadisə barədə qonşular xəbər tutub. Qətli törədən qardaş hadisə barədə əvvəlcə qonşusuna deyib.

Xəzər Rayon Prokurorluğundan hadisənin ailə məişət zəminində baş verdiyi bildirilib. İlkin məlumata görə, qətlə yetirilən Ramilə Qədirova qeyri-rəsmi nikahda yaşadığı şəxsdən uşaq dünyaya gətirib. Bunu eşidən Tofiq Qədirov bacısından imtina edib. Lakin kanalların birində yayımlanan verilişə çıxan Ramilə məhz onların sayəsində qardaşı ilə barışıb və üç aylıq körpəsilə birlikdə onun yaşadığı evə yerləşdirilib.

Tofiqin qayınatası Mütəllim Mirzəyevin sözlərinə görə, o, hadisəni işdə olarkən eşidib: �Qızım zəng etdi ki, Tofiq bacısını öldürüb. Mənə də zeng etdi, polis idarəsinə də. Neçə ildir ki, o, ruhi xəstədir�.

Hadisədən sonra könüllü olaraq polisə təslim olan Tofiq əməlini etiraf edib. Hazırda qətllə bağlı rayon prokurorluğunda istintaq aparılır.

***

Ötən gün Bakının Xəzər rayonunda qardaşın bacısını boğaraq qətlə yetirməsinin səbəbi məlum olub. ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, hadisə Şüvəlan qəsəbəsində baş verib.
Qəsəbə sakini 1987-ci il təvəllüdlü Tofiq Qədirov bacısı 1989-cü il təvəllüdlü Ramilə Qədirova ilə evdə mübahisə ediblər. Mübahisə zamanı əsəblərini cilovlya bilməyən qardaş bacısını boğub.

Daha sonra evdən çıxıb.

Xəzər rayon Polis İdarəsi 1-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində T.Qədirov tutulub. O, polisə verdiyi ifadədə bacısını qısqanclıq zəmnində öldürdüyünü bildirib.

Faktla bağlı cinayət işi başlanıb, araşdırma aparılır.