Daxili İşlər Nazirliyinin baş narkotiklərlə mübarizə idarəsinin, Astara rayon polis şöbəsi əməkdaşlarının keçirdikləri əməliyyat-axtarış tədbirləri nəticəsində qanunsuz olaraq odlu silah və onun komplekt hissələrinin saxlanılması və gəzdirilməsi, narkotik vasitələrin qanunsuz dövriyyəsi ilə məşğul olan 6 nəfər Astara rayon sakini saxlanılıb.

Astara rayon polis şöbəsinin istintaq bölməsinin rəisi Hikmət Ağayevin verdiyi məlumata görə, saxlanılan şəxslərdən 700 qram narkotik vasitə olan heroin, 100 qr narkotik vasitə anfetamin, 1kq 380qr narkotik vasitə tiryək, 460 qr həşiş qətranı, 1 ədəd naqan tipli odlu, 1 ədəd pnevmatik tipli silah və 1 ədəd maska aşkar edilərək götürülüb. Həmçinin Astara şəhər sakini, 44 yaşlı Gülxan Əliyevin evinə baxış zamanı 1 ədəd naqan tipli odlu və 1 ədəd pnevmatik silah, 700 qram heroin, 1kq narkotik vasitə tiryək, 100 qr narkotik vasitə anfetamin aşkar edilərək istintaqa təhvil verilib. Eyni zamanda rayonun Ərçivan və Şahağaci sakinləri Ələddin Məmmədov, İqrar Mirzəyev, Akif Nuriyev, Rəvan Rüstəmov və Abuzər Əhədovdan müxtəlif növdə və çəkidə narkotik vasitələr aşkar edilərək götürülüb.

Hazırda faktla bağlı cinayət məcəlləsinin müvafiq maddələri ilə cinayət işi açılıb, istintaq aparılır.

kepeztv/az