Ölkə sahibkarlığının inkişafı və uğurlu dinamikası, iqtisadi qüdrətli Azərbaycan hökumətinin uğurlu prioritetlərindən biridir.

Ölkədə həyata keçirilən iqtisadi islahatların əsas istiqamətlərindən hesab olunan sahibkarlığın inkişaf etdirilməsi, ölkə prezidenti İlham Əliyevin diqqət və qayğısı nəticəsində uğurla irəliləyir.

Sahibkarlığın uğurlu inkişaf tempini ləngidərək onun irəliyə getməsini əngəlləyən Fövqəladə Hallar Nazirliyinin (FHN) Muğan Regional Mərkəzinin rəisi Orxan Məmmədyarov kimi bəzi bürokratik qüvvələr malik olduqları vəzifə səlahiyyətlərindən qaynaqlanaraq bu sahədəki uğurlu prosesi sanki bilərəkdən ləngidir. Bölgələrdə sahibkarlıq potensialına zərbə vuran Orxan Məmmədyarov və onun komandası yol verdikləri özbaşına əməllərlə mövcud maraqlarının səmərəsiz istifadəsinə şərait yaratmaqla yanaşı, regionlarda fəaliyyət göstərən iri və xırda sahibkarlara ziyan vurur, onların fəaliyyətlərindən yarana biləcək bütün iqtisadi islahatları məhdudlaşdırırlar. Mərkəz rəisi bölgələrdə fəaliyyət göstərən sahibkarlıq subyektlərinin qanunsuz hallarından yetərincə yararlanır. Əhalinin və eləcə də ərazilərin fövqəladə hallardan qorunmasının, yanğın təhlükəsizliyinin, sənayedə texniki təhlükəsizliyin və tikintidə təhlükəsizliyin təmin olunması kimi vəzifələri üzərində cəmləndirən Muğan Regional Mərkəzi işini-gücünü ataraq sahibkarlıq subyektləridən qanunsuz şəkildə nə isə yığır. FHN-nin müvafiq xidmət Təlimatında nəzərdə tutulan müvafiq tələb və normativlər əsasında deyil, məhz Orxan Məmmədyarovun istəyi əsasında hər hansı bir tikilən sahibkarlıq subyektinin qeyri- normativlik təşkil etməsi əsasında həmin şəxsin hərəkətlərinə "göz yummaq" müqabilində nə siə tələb edirlər. Regionlarda yerləşən müəssisə, təşkilat və o cümlədən sahibkarlıq subyektlərinin yanğın təhlükəsizliyi tədbirləri planının işlənib hazırlanması və onların yerinə yetirilməsinə nəzarətin həyata keçirilməsinin zəruriliyini təmin etmək kimi bir missiyanı üzərinə götürən Muğan Regional Mərkəzi səlahiyyət dairələrinin daxil olduğu bütün bölgələrdə tikilən şadlıq saraylarının, yanacaqdoldurma məntəqələrinin və eləcə də qeyri- qanuni yerlərdə tikilərək istifadəyə verilmiş restoranların qanunsuz tikilməsindən milyonlar əldə edərək qanun pozuntusuna yol verirlər. Məhz bütün sadalanan nöqsanların nəticəsidir ki, yanğın törədə biləcək səbəblərin və şəraitin aradan qaldırılmasının təmin olunması, hadisə baş verdikdə sahibkarların və işçilərin, mal-əmlakın təhlükəsiz təxliyəsinin həyata keçirilməsi, yanğının yayılmasının məhdudlaşdırılmasını təmin edən şəraitin yaradılması, yanğının tez ləğv olunmasını təmin edən müvafiq vasitələrinin daim hazır vəziyyətdə olmasını əks etdirən heç bir dövlət infrastrukturu yoxdur. Korrupsiyaya qarşı mübarizə üsulları arasında ictimai nəzarət, vətəndaş cəmiyyətinin aktivliyinin mühüm rol oynadığı bir cəmiyyətdə, Orxan Məmmədyarov kimi dövlət rəsmiləri, açıq-aydın şəkildə dövlətin maraqlarına qarşı hörmətsizlik edərək normal sahibkarlar tərəfindən bu və ya digər bizneslərin qurulmasına əngəllər törədirlər. Orxan Məmmədyarov kimiləri, bu kimi mənfi halları əhatə etməklə şəxsi maraqları güdən, ictimai marağa zidd olan, qanunlardan kənar fəaliyyətlə Azərbaycan Konstitusiyasına qarşı addım atırlar.


Qarşı tərəfin də mövqeyini dərc etməyə hazırıq.